فتح الإعلامي محمد موسى، النار على مؤدي المهرجانات حسن شاكوش، بعد إهانته وانفعاله على الجمهور خلال حفله الأخير بالساحل الشمالي.
وقال محمد موسى خلال تقديم برنامج "خط أحمر" على قناة الحدث اليوم، حسن شاكوش مسك ميكرفونه موجهًا حديثه للجمهور، قائلًا: "اللي ما يكملش في ستين ألف داهية"، مطالبا نقابة المهن الموسيقية بضرورة التدخل في الأزمة وإحالة الواقعة للتحقيق، كما حدث مع مؤدي المهرجانات كزبرة والبحراوي وحمو بيكا، "لازم ده كمان ييجي في السكة".
تابع محمد موسى، الجمهور ده اللي بيدفعلك تمن حفلتك وهو اللي عملك شاكوش ولا أدوم ، إهانة الجمهور المصري خط أحمر اوعى تخطيه أنت ولا غيرك، و اوعى تفكر إننا هنطبطب عليك، أنا واثق إن حساب نقابة المهن الموسيقية معاك هيكون حسابا عسيرا، مش غرامة 50 ألف جنيه ولا وقف أسبوع، دي إهانة للجمهور يا معلم حسن".