مستشار رئيس الوزراء : تم حل مشكلة الرجل المسن وشفط مياه الصرف من حجرته

كتبت: نشوي مصطفي

قال هاني يونس مستشار رئيس الوزراء حول مشكلة الرجل المسن الذي يسكن في حجرة منخفضة عن سطح الارض وأغرقت مياه الصرف الصحي حجرته انه تم حل مشكلته وتم شفط المياه من حجرته .

وأضاف يونس على صفحته عبر موقع التواصل الاجتماعي فيس بوك ان قام بالاتصال بوزيرة التضامن الاجتماعى، الدكتورة غادة والى، وارسلت  فريق التدخل السريع بالوزارة على الفور لاقناع الشيخ العجوز بالانتقال لدار رعاية مسنين او شقة ونفرشها له .

وجاء تدوينه هاني يونس كالتالي :

مساء الفل

عم الحاج ده كان ممكن يكون أبويا أو أبو حضرتك

عم الحاج ده عنده 90 سنة، وساكن فى أوضة تقريبا بدروم منخفض عن سطح الأرض، قعدوه فيه أهالينا الطيبين فى المطرية

أبونا الطيب أوضته غرقت النهارده بطفح الصرف الصحى، والزميلة العزيزة مها سالم بلغتنى وبعتتلى الصور دى، والحمد لله ربنا أكرمنا وكلمت المهندس ممدوح رسلان، رئيس الشركة القابضة لمياه الشرب والصرف الصحى، اللى متأخرش وبعت رجالة شركة صرف صحى القاهرة على الفور، اللى اكتشفوا ان البلاعات مسدودة من اللى بيترمى فيها، وشفطوا الميه من الأوضة

ربنا أكرمنا أكتر وكلمت وزيرة التضامن الاجتماعى، الدكتورة غادة والى، اللى بعتت فريق التدخل السريع بالوزارة على الفور، هذا الفريق اللى يستحق تعظيم سلام، وكلفتهم باقناع الشيخ العجوز بالانتقال لدار رعاية مسنين او شقة ونفرشها له

وكمان هيعملوا له بحث ولو له دواء هيصرف فورا، ولو ملوش معاش هيتعمل له

أنا باكتب الكلام ده ونزلت الصور علشان فيه صفحات كتير نشرت صورة أبويا ده

عندنا تحديات كتير، أيوه

عندنا مشاكل، وفقر، أيوه

بس كمان عندنا قلب، عندنا رحمة

والمهم منسكتش، نتحرك، نعمل حاجة، ولو قليل

تحيا مصر