تحدث الفنان خالد النبوي عن رأيه في النجم الراحل نور الشريف وكشف عن النصيحة التي قدمها له، وكشف ايضًا عن حديثه مع والده قبل الشهرة حيث قال له والده "أنت فاكر نفسك هبقى نجيب الريحاني"
قال خالد النبوي خلال حواره مع الإعلامي محمد سعد في برنامج sold out "أنا كمان كنت بقول لنفسي هو أنا ممكن ابقى زي نجيب الريحاني مش معقول"
كما تحدث عن نور الشريف وقال "مش سهل ابدا تبقى نور الشريف، أنا دخلت المكتب عنده وشوفت ال22 جزء من موسوعة قصة الحضارة وهو كان بيعملنا لقاء علشان فيلم عايز فيه شباب صغير من المعهد فانا لما شوفت هو بيتعامل مع الكتاب ازاي قلت أنا عايز يبقى عندي الكتاب دة وفعلا جبتها"
وتابع متحدثا عن نصيحة نور الشريف له "هو اللي قالي لازم تستمر أنا كنت برفض أعمال هو قالي السينما لازم استمرار واوعى تبعد حتى لو السيناريو مش عاجبك اعمله ومتقعدش في البيت لأن وانت بتشتغل هيجيلك السيناريو اللي يعجبك لغاية لما تقدر تتحكم ومتعملش غير الكويس"
نرشح لك: أمينة شلباية في أول تجربة تمثيل لها … تعرف على تفاصيل شخصيتها في فيلم "ليه تعيشها لوحدك"
أجاب خالد النبوي عن كيفية صناعة النجم وقال "في طريقين الأول أنك تخلي شخصياتك نجوم زي أحمد زكي يعمل شخصية يخلي الشخصية نجم ولولا احمد زكي أنا مكنتش هفكر في التمثيل ولولا نجيب الريحاني مكنتش همثل وانا طول الوقت بحب اشوف اللي قبلي"
يذكر أن خالد النبوي يشارك في موسم دراما رمضان 2024 بمسلسل "إمبراطورية ميم" مع نخبة من الفنانين من بينهم حلا شيحة، نور النبوي، نشوى مصطفى وغيرهم، "إمبراطورية ميم" مأخوذ عن الكاتب الراحل إحسان عبدالقدوس، وعرض للمرة الأولى كفيلم سينمائي عام 1972، بطولة الفنانة فاتن حمامة وعدد كبير من نجوم الفن.