المستشار محمد السباعى يكتب: ما هو المنطق ؟!

طالب جامعي مهمل بعد ما رسب في مادة ' المنطق' ذهب إلى أستاذه.. الطالب: سيدي الدكتور ، هل صحيح أنت تفهم كل شيء في المنطق؟ الأستاذ: طبعا أفهم وهذا هو السبب الذي يجعل الجميع ينادونني على أساسه " دكتور" الطالب: ممكن أسألك سؤالًا واحدًا في المنطق وتجيبني عليه؟ لكن بشرط ، إذا لم تعرفه اليوم تغير درجتي من راسب إلى ممتاز؟ الأستاذ: موافق .. الطالب: ما الشيء " القانوني لكن غير منطقي" و ما الشيء " المنطقي لكن غير قانوني" و الشيء " غير المنطقي وغير القانوني"؟ الأستاذ حاول وفكر لكن لم يعرف الجواب، وفي اليوم الثاني غير درجة الطالب من راسب إلى ممتاز على حسب الاتفاق.. وبعد أيام مر عليه أحسن طالب متميز عنده في القسم فجاءت إلى ذهن الأستاذ فكرة أن يسأله نفس السؤال.. قال الطالب المتميز: بسيطة يا دكتور أنا أجيبك.. حضرتك عمرك 65 سنة ومتزوج واحدة عمرها 24 سنة وهذا " قانوني لكن غير منطقي".. وهي تخونك وتحب طالبًا عمره 25 سنة وهذا " منطقي لكن غير قانوني".. وهذا الطالب أكثر طالب مهمل في الجامعة وحضرتك منحته درجة ممتاز وهذا " غير قانوني وغير منطقي" .. فهمت يا دكتور المنطق ؟؟ وهذا ما يحدث يومياً عندما تتوجه لإنهاء مصالحك الحكومية ولنأخذ مثلاً التقدم بطلب استخراج ترخيص عمارة سكنية  لا بد أن يسبقه سداد مبلغ٣   جنيهات وهو رسم  طلب استخراج ترخيص بناء عمارة سكنية سيكون ثمن الشقة  فيها ٣ ملايين جنيه وهذا إجراء قانونى ولكنه غير منطقى  لأن مفيش حد هيسأل فى حضرتك إلى أن يظهر لك المهندس الشاب مسئول الترخيص داخل الحى ويعرض خدماته فى إنهاء الترخيص مقابل رشوة مليون جنيه وبالفعل يطلعلك الرخصة ويقولك وهو بياخد منك الرشوة " بلد عبيطة" مرتبى١٢٩٩ ج ومفروض أتفرج عليك وأنت بتكسب ملايين وده الشىء غير القانونى بس منطقى ولكن الشىء غير القانونى وغير منطقى أن اللى طلع الرخصة مش مهندس معمارى. ده خريج زراعة واتعين بواسطة تقليه بس الحقيقة المنطقية أن العمارة وقعت. " اللى يجنن بقا أن المهندس الزراعى اللى طلع الرخصة وصاحب العمارة ورئيس الحى هيطلعوا براءة إن شاء الله واللى هيتحبس فيها عامل البوفيه بتهمة الوساطة فى رشوة موظف عام ويدخل السجن جنب عامل المزلقان بتاع حادثة القطر اللى اتقلب ". عن فساد المحليات أتحدث