فجر نجم الأهلي و منتخب مصر السابق سيد معوض، مفاجأة من العيار الثقيل بعد خروجه عن صمته أمس، موضحًا انقطاع علاقته مع محمد بركات زميله السابق في النادي الأهلي والأقرب له في الوسط الرياضي لفترات طويلة.
وأوضح معوض، خلال استضافته في برنامج «الكابتن» مع أحمد حسن المذاع على شاشة قناة dmc، «منذ فترة بركات غير موجود في حياتي»، لم يرد «معوض» الإفصاح عن أي أسباب حول السبب.
وجه سيد معوض، لاعب الأهلي السابق، هجومًا حادًا ضد حازم إمام، عضو مجلس إدارة اتحاد كرة القدم، قائلاً: "عايز أوجه رسالة لحازم إمام عضو مجلس إدارة اتحاد الكرة، هو اتكلم عليا في حلقة كابتن شوبير، ومرضيش يقول اسمي، لكن أنا عارف أنه بيتكلم عليا، وأنا هنا هقول اسمه".
وأضاف معوض: "أنا بطلع في الإعلام يومين في الأسبوع مع شبانة وبرامج تانية، وسهل عليا جدا أتكلم وأقول حقائق كتيرة، لكن أنا مش هعمل كده مش خوفا من حد، أنا مبخفشي من أي حد أيًا كان منصبه".
وتابع: "في حديث بيقول، من صفات المنافقين إذا خاصم فجر، وأنا مش كده، وعمري ما هبقى كده وبراعي العيش والملح، أنا بس حبيت أوضح الرسالة دي إني بطلع وبتكلم وسهل عليا أقول حاجات كتيرة لكني مش هعمل كده".