كشفت الفنانة هنا الزاهد انها ما زالت تحتفظ بعلاقة طيبة بزوجها السابق الفنان أحمد فهمي، بعد إعلان انفصالهما مؤخرا.
وأكدت الزاهد -خلال استضافتها في برنامج "كلاكيت"- الذي تقدمه الإعلامية لينة الطهطاوي عبر نجوم إف إم: "الحياة مش كلها وردي ولا كلها وحشة، ومش لازم أي اثنين يسيبوا بعض يبقى في مشاكل، في ناس مش بيتوفقوا مع بعض والنصيب مش بيكمل، لكن بيبقوا في منتهى الشياكة والاحترام".
وأضافت الزاهد : "إحنا كنا أصحاب في الأول، وبينا عشرة كبيرة 5 سنين، وأكيد في بينا كل احترام وهو شخص محترم جدا، ومش حاملة هم إني أشوفه، بالعكس شوفنا بعض في حفل جوي أوردز وسلمنا على بعض عادي، وهو دلوقتي صديق وزميل في نفس المهنة".
واختتم الزاهد: "الانفصال في الأول حاجة صعبة جدا علشان العشرة، لكن الحياة مكملة ولازم تقفي وتكملي، والحمد لله أنا تمام ومبسوطة وهو مبسوط جدا".
يذكر أن هنا الزاهد أعلنت في نوفمبر الماضي انفصالها عن أحمد فهمي، من خلال رسالة عبر صفحتها الرسمية بموقع التواصل الاجتماعي إنستجرام قالت فيها: "الحمد الله تم الانفصال بيني وبين أحمد بعد 4 سنين جواز وربنا يكتب لكل واحد فينا الخير".