أعرب الفنان رامي صبري عن سعادته بعودة الفنانة شيرين عبد الوهاب من جديد للساحة الفنية.
قال رامي صبري، خلال لقائه مع برنامج عرب وود: بتمنى لـ شيرين أنها ترجع أقوى وهي فنانة عظيمة ومختلفة، وهي واحدة بس مفيش تاني شيرين، وأتمنى أنها تكسر الدنيا لأنها فنانة تستحق أنها تكون وسطنا.
وتابع رامي صبري: كنت موجود في Joy Awards، وشوفت شيرين عبد الوهاب و عمرو دياب ونجاة، وبنبسط لما بنشوف المصريين ناجحين برا، أنا أول مرة اتعزم في حاجة واتفرج على فنانيين زي ما الفنانيين بيتفرجوا عليا اتبسطت أوي وحسيت إني فخور أن في مصريين ناجحين أوي كده.
وكشف رامي صبري، عن سبب اتجاهه للإنتاج الموسيقي، إذ قال في تصريحات تلفزيونية مؤخرًا: شركات الإنتاج مشكلتها إن عندها نظام في نزول الألبومات، لما بروح لمنتج بيقولي استني في نجم تاني هينزل الألبوم بتاعه الأول، والمنتج بيكون تجاري مش فني، ولذلك قررت أنتج لنفسي، ولما بعمل ألبوم بركز مع التفاصيل اللي بيحبها الجمهور، وأول ألبوم أنتجه لي كان ألبوم معايا هتبدع، وأغنية يمكن خير حققت نجاحًا لم أتوقعه.