أجابت وسام الخولي، أمينة الفتوى ب دار الإفتاء المصرية، على سؤال وجه إليها حول الحكم الشرعي لظاهرة الـ استرونج إندبندنت وومان، وتمسك بعض السيدات بهذا الأمر مما له تأثير على المجتمع؟
وقالت أمينة الفتوى بـ دار الإفتاء المصرية، خلال تصريحزت متلفزة: المصطلح ده شائع جدا بين البنات والشباب، يعني البنت اللي بتروح الشغل واللي بتعاند زوجها واللي بتعلي صوتها، وفي ناس كتير مش عارفة معناه إيه.
وتابعت وسام الخولي، أمينة الفتوى ب دار الإفتاء المصرية: استرونج إندبندت وومان، ده مصطلح غربي تحت قضية المرأة لأنهم بيقولوا المرأة مسلوبة وعليها ظلم اقتصادي كبير جدا، وعلشان كده عندهم كتب كتير بتتكلم عن حقوق المرأة، وبتوضح دائمًا أن المرأة في بلادهم عندها مشاكل تعاني منها.
وأضافت وسام الخولي، أمينة الفتوى ب دار الإفتاء المصرية: طيب دي ثقافات غربية، ولكن الإسلام كرم المرأة وكفل لها كل الحقوق، وربنا كرم بني آدم جميعا، ومن أجل التكريم جعل الرجل يعتني ب المرأة في كل مراحل حياته، موضحة: فجعل الجنة جزاء من يحسن إليها وهي بنت، وجعل الجنة تحت أقدامها وهي أم، وجعلها تكملة للدين لو أراد الزواج.