أعرب الفنان وليد فواز عن سعادته بنجاح مسلسل برغم القانون الذي يتعاون خلاله مع الفنانة إيمان العاصي، مشيرًا إلي أن الدور الذي قدمه مختلف تمامًا عن الذي قدمه من قبل، كما أنه فقد وزنًا من أجل الشخصية.
وقال وليد خلال لقائه في برنامج It’s Showtime التي تقدمة الإعلاميتين دينا حويدق وسمر نعيم علي شاشة قناة الحياة: كنت خايف من الدور شوية؛ لأن كان فيه حاجات زيادة زي الغيرة والبخل والراجل الغيور حاجة كويسة جدًا لكن الغيرة لما بتزيد عن حدها ممكن تنقلب لضدها زي ما هنشوف في الأحداث.
وأضاف: المؤلفة نجلاء الحديني وشها حلو عليّا واشتغلت معاها في مسلسل بين السطور قبل كده، والمخرج شادي عبد السلام أعرفه من زمان جدًا في مسلسل بدون ذكر أسماء ، ده غير إيمان العاصي قريبة لقلبي علي الشاشة وشخصيًا وابتسط بالشغل معاها، وكل زمايلي ماشاء الله عليهم.
أما عن تحضيراته للدور، أردف وليد فواز: كنت عايز أقلل في وزني شوية وأعتقد ده باين علي الشاشة، وازاي أقدم اللهجة البيضا لأهل بورسعيد، واجتهدت علي قد ما أقدر مع الأستاذ سليمان هو فنان بورسعيدي ومسئول عن اللهجة في المسلسل، عشان أوصل للهجة اللي بيتكلموا بيها وحطيت خبرة السنين وإني أعمل دور مختلف عن اللي قدمته.
الجدير بالذكر أن برنامج It’s Showtime يعرض علي شاشة قناة الحياة يومي الثلاثاء والأربعاء من كل أسبوع في تمام الساعة العاشرة مساءً، وتقدمه الإعلاميتين دينا حويدق وسمر نعيم.