كشفت الفنانة الشابة نرمين ماهر عن سبب اختفائها الفترة الأخيرة، وعن أحدث أعمالها الفترة القادمة، ورأيها في عمليات التجميل، وذلك من خلال لقائها مع منصة one take.
وقالت:" أنا مع عمليات التجميل لكن في سن معين والأهم مغيرش خلقة ربنا لكن بميل أكتر للحاجات الطبيعية أو أدوات تجميل أنا واثقة من مصدرها، مش أي حاجة أجربها على بشرتي ده مش صح".
وعن سبب اختفائها الفترة الأخيرة قالت:" أنا اختفيت عشان خلفت بنوتة وكنت مشغولة معاها، وحالياً بصور الجزء الثاني من فيلم "مالك صلاح" وهو فيلم خليجي ويشارك في بطولة مجموعة من النجوم العرب".
وأضافت:" أنا تعاملت مع نجوم مصريين وعرب والإتنين مبسوطة بالتعاون معاهم كل حد ليه شغله وطريقته التجربتين إضافة قوية لأي حد، طول عمرنا المصريين ليشاركوا في أعمال عربية والنجوم العرب تشارك في أعمال مصرية".
وتابعت: "الفنانة عبلة كامل من أجمل الناس اللي اشتغلت معاهم ووقت تصوير مسلسل سلسال الدم كانت بتوقف التصوير وتروح تصلي وبقولها وحشتينا جدًا ويارب ترجعي على الشاشة من تاني".
وتحدثت أيضاً خلال اللقاء، عن وجود بعض المشاهير على التيك توك وقالت:" منصة التيك توك الكل بقي بيستخدمها دلوقتي عشان بتحقق مشاهدات أكتر، وأنا مع أي حد بيطلع يقدم حاجة محترمة ويحترم بيها الناس وضد الأڤورة".
وتابعت حديثها: "لكن بلاش نهاجم حد ولا نغلط في حد لأن كلنا عندنا ظروف ومشاكل، والهجوم على مها أحمد كان قوي وهي طيبة وغلبانة لكن ظروفها حكمت للاسف فخلينا نكون متهاونين على بعض".
يذكر أن، آخر أعمال نرمين ماهر هو فيلم "مالك صلاح" الجزء الأول، وهو فيلم إماراتي خليجي مصري مشترك، سيناريو وحوار شريف عادل، وبطولة إبراهيم المريسي، ويحيى إبراهيم، وأحمد خشبة، ومصطفى بسيط، ونيرمين ماهر، الفيلم تدور قصته في إطار اجتماعي كوميدي.