كشفت الفنانة أمينة خليل عن تفاصيل زواجها من المصور أحمد زعتر، بعد مرور أربعة أشهر على ارتباطهما، مؤكدة أن حياتهما تسير بهدوء واستقرار رغم انشغالهما المستمر بالفعاليات الفنية.
وقالت في لقائها ببرنامج الصورة مع لميس الحديدي: "الأمور ماشية كويس الحمد لله، ومن ساعة الجواز الأحداث كتير ومش لاحقين نستقر، بس بعد مهرجاني الجونة والقاهرة هنقعد شوية في البيت".
وعن حفل الزفاف الذي أقيم في مصر وآخر باليونان، أوضحت: "عملت فرح في مصر لعيلتي والناس اللي بعتبرهم عيلتي، وفرح صغير في اليونان لأصحابنا المقربين، من غير كاميرات ولا أضواء، علشان أحمد مش بيحب الظهور".
وأضافت: "كنت من البنات اللي اتأخروا شوية في الجواز، ومرت فترات ربنا مكتبش فيها نصيب، لكن النصيب جه مع أحمد. وصلت لمرحلة مفيهاش صراع بين العقل والقلب، وساعتها حسيت إن الطريق ده صح".
وأكدت أمينة أن زوجها يتفهم طبيعة عملها الفني ويدعمها باستمرار، قائلة: "الأضواء عليا مش بتزعجه، بالعكس بيشجعني وبيحب يشوفني ناجحة، ودايمًا باخد رأيه في كل حاجة بنزلها".