نشرت الفنانة نشوى مصطفى، تعليقا عبر صفحتها على موقع التواصل الاجتماعي فيسبوك، بشأن افتتاح المتحف المصري الكبير اليوم.
وقالت نشوى مصطفى : حرمت على نفسى الفرحة من يوم ما زوجى انتقل لحياته الطيبة - لكن النهاردة الفرحة فرض على كل حد بيحب مصر - وعماد كان بيعشق تراب بلدنا عماد كان معاه الجنسية الأمريكية لكنه رفض رفض قاطع يديها لولادنا — وكان بيشرح لى أسبابه اللي كلها بتقول بلدنا أولى بينا - المهم ولأن الفرحة بتعدي وبما إن كل المصريين فرحانين أنا كمان لأول مرة أحس إنى فرحانة وأقول لنفسى لو عماد كان موجود كان حيفرح قوى، ويقعد يشرح لى أنا والولاد المعنى والخير اللي حيكون لمصر من الحدث العظيم اللي حيحصل النهاردة — ده رزق كبير لاحفادنا ولولادنا ربنا يفتح أبواب الخير ليكى يا بلدى ربنا يصد عنك كل شر ويحفظك ويحفظ شعبك الأصيل - وتحيا مصر بعشاق ترابها.