طالب مدحت العدل عضو لجنة الاستثمار بنادي الزمالك ، من جماهير نادي الزمالك بدعم النادي من اجل الخروج من هذه الأزمة وحل أزمة إيقاف القيد.
وقال العدل في تصريحات مع سهام صالح ل برنامج الكلاسيكو : الارقام اللي من تطبيق زملكاوي دي قليلة جدا ومش ده المنتظره من جماهير الزمالك.
واضاف: جماهير الزمالك لما التذاكر بتفتح السيستم بيوقع بدخول 4 مليون لازم يشدوا شويه ويدعموا النادي.
وتابع: إدارة الزمالك عاوزه 2 مليون مشارك في 10 أيام ولازم إدارة الزمالك توجه الجماهير وتعرفهم يعملوا إيه ، انا عملت اعلان ليهم انا وايمن ممدوح عباس والجنايني ببلاش.
وواصل: لازم الفنانين الزملكاوية يدعموا النادي واي شخص مسؤول في جميع الفئات ، ويا فرحتي بتروح بتيشيرت الزمالك وتلوح بالعلم اطلع اعمل دقيقه وقول للجماهير تدعم النادي واعمل فيديو دقيقه.
واختتم: تواصلت مع الفنانين الزملكاوية وفيه هنادي مهنا حسام صلاح شيكو هشام ماجد ، و احمد عز انت زملكاوي محمد هنيدي احمد السقا اطلعوا قولوا ادعموا نادي الزمالك فينكم.