كتب: جهاد السعيد
تصدرت الفنانة شاهيناز ضياء، نجمة "ستار أكاديمي" مؤشر البحث جوجل ، بعد ما نشرت صور لها وصفها باعتداء زوجها عليها.
وقد وجهت ضياء رسالة إلى زوجها السابق بعد التعدي عليها بالضرب، بعد أيام من إعلان انفصالها عن زوجها
ونشرت الفنانة مجموعة من الصور لها بعد اعتداء زوجها عليها وعلقت: "حسبنا الله ونعم الوكيل ضربتنى وبهدلتنى أنا وأمى مش عايز يدينى ابنى ليا رب يجبلى حقى".
ورد زوج الفنانة شاهيناز إيهاب محمود على كل ما قيل ضده من جانب زوجته شاهيناز، عبر حسابه الخاص على "فيسبوك" قائلًا: "شكرًا لكل حد شتم فيا وفي والدتي انتو شايفين نص الحقيقة بس محدش شاف إيه اللي حصل وازاي، بيتبلو عليا هي ووالدتها، أنا هرد علشان الكل يعرف اني مش متربي على ده في كلام وكواليس وانا مش هتكلم على أم ابني واشهر بيها زي ما شهرت بيا ومعايا أدلة وورق على كل الكلام ده يثبت صحة كلامي وحسبي الله ونعم الوكيل في الضرر اللي سببوه لأهلي وليا".
وأضاف: "بكرا ان شاء الله هطلع أرد بفيديو ومستندات وورق والناس هتعرف مين ظالم ومين مظلوم ومحدش يتكلم في حاجة ميعرفهاش، الصورة بتبين نص الحقيقة مع احتفاظي بحاجات مينفعش تطلع لأني مش هشهر بأم أبني ولا حقول حاجة تجرح ابني لأني أتربيت على الأصول".
وتابع: "أما ينزل الفيديو كله هيعرف اني مجتش على حد ومحدش برده يعرف الحقيقة لأنها مجرد صور وحقيقة مش كاملة".
