شاهد|| والدة محمد على الهارب: أنت مش هربان عشان خدت الملاليم  .. أنت هربان لأنك ملكش قيمة فى وسط الناس

كتب: محمد سيد

قالت والدة محمد على فى الرسالة الصوتية التى عرضها أديب فى حلقة ،اليوم الإثنين، من برنامح "الحكاية"، الذى يقدمه عبر فضائية "mbc مصر": "يا محمد إزيك عامل إيه؟ يا رب تكون مبسوط كده فى برشلونة بتاعتك دى، طب يا عم قبل ما تركب الطيارة وقبل ما تروح وقبل ما تيجى، وقبل ما تاكل وقبل ما تشرب، اعرف إن فيه دعوة من أمك تطيرك، هى مزهزهالك الدنيا أنا عارفة هى مزهزهالك، بس خليك فاكر، أى حاجة بتحصلك منى أنا، من دعوتى عليك، يكفى إنك سبت البلد وجريت ومشيت وخدت العيال".

وأضافت والدة محمد على: "أنت مشيت هربت، أنت هربت، أصلا أنت هربان، مش هربان عشان خدت الملاليم، لا لا لا، أنت هربان لأنك حسيت وعرفت إنك ملكش قيمة هنا فى وسط الناس من اللى بتعمله، ابعت لأولاد إبراهيم حقهم، وابعت لأمك حقها، عشان ربنا يمكن يغفر لك، يا بنى اعرف إن فيه ربنا، وربنا بيحاسب، الله يخربيتك عندك عيال".

[embed]https://www.youtube.com/watch?time_continue=2&v=f_g2F11MeLs[/embed]