كتب: على طه
عبر الإعلامي عمرو أديب، عن سعادته الشديدة بظهوره في كل قنوات جماعة الإخوان الإرهابية.
قال الإعلامى، عمرو أديب، فى برنامجه "الحكاية" المعروض على شاشة "mbc مصر" إنه بيسعد عندما يجد نفسه في كل قنوات الإخوان، مضيفا: " ألاقى نفسي في الجزيرة وقنوات تركيا، ودا شيء جيد معناه إن صوتنا بيوصل وعامل مشكلة معاهم بطريقة أو بأخرى".
وواصل، "عايزين نعرف إيه المشكلة، هل القصر الرئاسي اللي بيتعمل في العاصمة الإدارية لو حولناه لمدرسة أو مستشفى الموضوع هيخلص وهتبقى أنت راضي والحكاية هتخلص، أو إننا نعمل مبنى مجلس الوزراء مستشفى، لا مش هتخلص لأنهم شايفين إنهم لازم يحكموا والراجل يمشي والبلد تطربق".
وأضاف "هما ليه بيشككوا فينا، قولنا يوم مكان فيه مظاهرات إن فيه مظاهرات وكان فيه ناس في الشارع وناس غضبانة".
وأوضح، "وزي مفيه ناس غضبانة كان فيه ناس بتقبض، خش شوف القبض دا في تويتر وفيس بوك، تويتر بيكتب إن فيه فيديوهات مدفوعة هل هي مش فلوس ولا بسلة، كل دا اندفع منين، ورأس المال دا جه منين هل جه من تبرعات مثلا، المسألة بقت بايخة وأنا مش قادر أفهم إزاي البشر بقى عندها عمى، أنت الخسران مش هما اللي هيخسروا، اليومين دول بيكتبوا تويتات بيسبوا فيها للطبقة المتوسطة، وبتقولهم إنزلوا"