الملحن رزق يهدى أغنية «أنت النجم» لـ رامى جمال (فيديو)

كتب: مدحت سالم

أهدى الملحن رزق على ، الفنان رامى جمال  أغنية  بعنوان «أنت النجم» وتم طرحها عبر موقع يوتيوب وهي من كلمات مصطفى النحاس وتوزيع تيام طارق وذلك للتضامن معه إثر إعلانه عن خوض تجربه مريرة مع مرض البهاق .

وقال رزق فى تصريحات صحفية الأغنية من كلمات الشاعر مصطفى النحاس وتلحين رزق على وتوزيع تيام طارق .

وعن تزامن طرح الأغنية مع إعلان رامي جمال عن مرضه، قال: "من البداية كان هدفنا إن نقول له فنك الجميل هو ما جعلنا نغني لك، وصدفة وحدها هي التي جعلت موعد طرحها يأتي مع إعلانه لمرضه، وحديثه عن الانسحاب، وهو ما لا نقبله منه، وننتظر منه المزيد من الأعمال، لأنه بالفعل فنان ونجم يستحق الدعم مثلما أسعدنا بأعماله".

وكتب رامي عبر حسابه بـ«تويتر»: «الحمد لله الذي أحبني فابتلاني وأقدرنى على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايده.. ورضيت وسلمت أمري لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدي».

وأضاف: «أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة».

واختتم : «لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو».

[embed]https://www.youtube.com/watch?v=7aTHZAj1zMU&feature=emb_logo[/embed]