الرئيس السيسى لشباب العالم: خلى عملكم كله على بناء الهوية والسلام

كتب: محمد عفيفى

التقى الرئيس عبد الفتاح السيسي، اليوم الثلاثاء، الشباب المشاركين في ختام منتدى شباب العالم.

وقال الرئيس السيسي: "سعدت اليوم بمشاركتي في ماراثون يجمع بين مختلف شباب العالم، وامتزجت سعادتي بالأمل وأنا أرى الشباب الواعي المتحمس وأجاب الرئيس السيسى على شابة كردية سألته عن مستقبل الأكراد فى العالم  قائلا: «العادات والتقاليد الكردية هاتفضل موجودة، والجسور ستمد غصب عن كل الناس بس بالسلام، لما يكون عندى مجموعة عايزة تنفصل عن الدولة ده أمر الأمن القومى لا يقبله، ده أمر لا يقبل، باقول أدرسوا وشوفوا تجارب الدول اللى انفصلت بالفعل، الدولة مقاومتها كبيرة جدا، فأنا إنسان مسالم جدا، مش معنى مسالم إنى مش مقاتل، ولكن عندما يفرض عليا القتال بقاتل بأشرس ما تتخيلوا».

وتابع: "لو النهاردة هاجيب مثال يوغسلافيا كانت دولة واحدة بقوميات مختلفة، مانفصلتش ليه؟ لو درستوا التجربة دى، هاتشوفوا الرئيس تيتو كان بيتعامل مع شعبه وبيتعامل معاه كنسيج واحد، أنا طيع مع القدر واللى حصل فى التاريخ ده كان قدر ماكونتوش مسؤولين عنه، خلى عملكم كله على بناء الهوية والسلام، تصورى لو كل الاقتتال الموجود كان من أجل الكفاءة، كان كل الجهد والغضب اتحول لطاقة عمل وتعمير، الإرهاب فكرة اتعملت علشان الدول تموت نفسها، الإرهاب فى مصر على سبيل المثال بيعمل إيه؟ بيعجز من طاقة مصر للأمام مفيش مشروع ممكن ينجح وهو مبنى على القتال".