شاهد| نص كلمة الرئيس السيسى فى احتفال قداس عيد الميلاد المجيد

كتبت: مريم صادق  

قدم  الرئيس عبد الفتاح السيسي التهنئة للإخوة أقباط  بمناسبة عيد الميلاد المجيد وذلك بكاتدرائية الميلاد المسيح بالعاصمة الإدارية الجديدة  أثناء مشاركته الإخوة الأقباط احتفالاتهم بعيد الميلاد.

وفى سياق متصل قال الرئيس السيسى : « كل سنة وأنتم طيبين جميعًا.. الحقيقية الاستقبال بتاعكم استقبال جميل ورائع واحنا والله بنحبكم.. وسنة سعيدة علينا كلنا».

وأضاف الرئيس السيسى "إحنا لازم دايمًا نبقى مخليين بالنا من علاقتنا ببعضنا البعض، إذا كنتم بتحبوا ربنا حبوا بعضكم" .

وتابع الرئيس السيسى "ما تخلوش حد أبدًا يدخل بيننا ويحاول يوقع بيننا ويحاول يعمل فتنة بيننا، البلد دي بلدنا وهتفضل بلدنا كلنا"، مضيفا أن "الكلام ده أصبح ثقافة وعادات وتقاليد بيننا وكل واحد عارف أن زيه زي أخوه، وكلنا زي بعض، وأي محاولة للفتن والوقيعة نخلي بالنا منها".

- "أنا شايف المصريين قلقانين.. أنتم قلقانين من إيه.. مفيش مجال للقلق لسبب واحد؛ والسبب إن إحنا مع بعض وطول ما إحنا مع بعض محدش يقدر يعمل فينا حاجة".

- "ربنا أراد إننا نكون في ظروف صعبة لكن ده لينا وعلينا.. لينا إننا نخلي بالنا وننتبه ونلاحظ ونقول إن كان ممكن يبقى حالنا كده، لكن علينا إننا نخلي بالنا من بلدنا".

- "طول ما الشعب المصري إيد واحدة وطول ما إحنا مع بعض ماحدش يقدر يعمل معانا أو فينا حاجة".

- "إحنا بنتعامل بشرف في زمن مبقاش فيه شرف، وربنا بيدعم المخلصين والمحبين لوطنهم".

وفي نهاية كلمته أعطى السيسي، باقة ورود للبابا تواضروس، قائلاً: "أرجو أن هذه الوردة تصل لكل المصريين".