سيدة مصرية من رواد «فيسبوك» تحذر من الـ «روم»

نشرت سيدة مصرية من رواد موقع التواصل " فيسبوك" بوست حذرت فيه من تقنية ال "روم Room" وكتبت الآتى: #منقول معلش البوست ده مهم جدا وحابه اوضح فيه شويه حجات ف الابديت الجديد اللي نزل ف الفيس اللي مارك عمله في حاجه اسمها Room او الغرفه مالها دي بقي دي ممكن اي شخص يعملها واي بنت او اي ولد او مدام او غيره متبقاش عارفه ايه ده وتدوس عليها بحسن نيه تلاقي نفسها لايف ومعاها اكتر من شخص شايفها وبيتفرج عليها وممكن يحصل مصايب بسبب كده وحده تبقي في بيتها وقعده براحتها وبتفتح الاشعار عادي تلاقي نفسها وسط ناس متعرفهاش ف خلو بالكم وياريت تعملو شير للبوست ده وتحزروا الناس من الموضوع ده عشان محدش يحصله مشكله انا وحده من الناس لقيت حد بعتلي اشعار وانا مش عارفه ايه ده دوست عليه لقيت نفسي شايفه ناس معرفهومش اصلا بس الحمدلله الاضاءه عندي كانت مطفيه فمحدش شافني احنا منضمنش غيرنا يبقي ازاي ولا لابس ايه ياريت يا جماعه اللي يشوف البوست ده يشيره ويحذر اخواته بناته صحابه ايا كان عشان ميحصلش لاي حد مشكله وربنا يحمينا كلنا ياااارب عشان الناس مش كلها نضيفه ممكن اشخاص مريضه تستغل ده ف انها تاخد اسكرين ولا حاجه ويتسبب ف مشاكل كبيره ربنا يحفظنا يااارب ويبعد عننا اي حاجه وحشه هتلاقوها ف الصوره اللي انا منزلاها دي لونها موف ومكتوب عليها Room او الغرفه