كتب : محمد الحمامي
نشر د . محمد ابو الدهب مدير عام مستشفى رأس البر المركزي بمحافظة دمياط بوستا عبر حسابه الرسمي بشبكة التواصل الإجتماعي
(فيس بوك ) أثار إعجاب رواد (فيس بوك ) جاء فيه
الاستقاله و الهروب حق لكل قلب ضعيف لكل شخص دون المسؤلية
أما الثبات دا ربنا بيزرعه جوه كل قلب راضي و نيته خالصه لوجهه تعالى
القصه هتكون مش مفهومه لناس كتير
شرف مش هتفهموه دايما
فكرة انك بتتعامل مع صحة انسان دي ليها حسبه تانيه خاالص
مبيحكمهاش غير ضميرك و بس
مبتتحسبش غير حسبه ربانيه و فقط
عشان تحسبها حسبة دنيويه يبقى تشوف لك شغله تانيه غير التعامل مع مريض و علاجه و تخفيف آلامه
اوعى تتجرد من انسانيتك و تربية ابوك و امك اوعى تخزل ولادك و فخرهم بيك و بدورك اللي ربنا شايفه و هيجازيك عليه
اوعى تمن ع البلد ب شغلك لااااا دا انت تبقى مش تمام
اللي لازم نعيه كويس ان دا شغلنا و راضين بيه و كمان حامدين ربنا عليه
جددوا النيه مع الله أسألوه ان يرفع عنا البلاء و يرزقنا من حيث لا نحتسب أستقيموا يرحمنا و يرحمكم الله