الرئيس السيسي لـ وزير المالية: «أنت بتخاف على الفلوس أوي»

كتب: إبراهيم شرع الله أكد الرئيس عبدالفتاح السيسي، على ضرورة إلقاء الضوء على مبادرات الدولة فيما يتعلق بتوفير السلع وتخفيضها، قائلا: "مبادرات الدولة لا تمس الطبقات محدودة الدخل فقط، ولكن تمس الطبقات اللى في أول سلم الطبقة المتوسطة، واللى عنده عربية بتكلفه مصاريف كتير". جاء ذلك خلال افتتاح مشروع الأسمرات 3، اليوم الأحد. وتابع الرئيس السيسى: "نقول له هنقدر نساعدك تأخد قرض بأقل تكلفة ممكنة، بس يا ريت العربية دى تكون مجهزة بالغاز لأنها توفر نصف تكاليف الوقود، وهذا الأمر ينطبق على الميكروباص أو العربات الملاكى أو التاكسي". قال الرئيس السيسي: "أطالب الحكومة والبنوك بفائدة مخفضة.. فائدة منخفضة مش هتبقى كفاية، مليون مركبة تحويلها من بنزين لغاز تتكلف 8 مليارات جنيه.. يا وزير المالية انت بتخاف على الفلوس أوى.. مليون عربية تتحول من بنزين لغاز تتكلف 8 مليارات جنيه.. لو عاوزين الناس تيجى معاكم لازم تنزلوا للناس أكتر من كدا.. طيب ما فائدة صفرية لو أمكن ببرامج محددة".