.. إزاي ياريس قدرت ؟
دي إرادة المولي عز وجل
فكروا بهدوء بعيدا عن العواطف
لحد دلوقتي مش قادر استوعب إن مرسي يعزل وزير الحربية ورئيس الأركان و 146من قيادات الجيش ويجيب لواء مدير مخابرات حريبة يرقيه ترقيتين مرة واحده ويبقى وزير الدفاع إللي اختاره الإخوان بمحض إرادتهم وقعدوا يمدحوا فيه في كل وسائل الإعلام بإيمانه وقربه لله وأخلاقة وعدله و... و.... وسوقوه لينا على إنه إخواني وقالوا عنه وزير دفاع بطعم الثورة ..فأراد الله أن هو اللي يعزلهم ويكون السبب في إنقاذ مصر من هذا الكابوس!
.. تذكروا فرعون .. الذي ذبح كل الأطفال وترك سيدنا موسى ..وليس تركه فحسب بل هو الذي ربّاه في بيته
- إزاي يا سيسي قدرت تفلت من مؤامرة جر مصر لعقوبات مجلس الأمن بعد ما عزلت الإخوان و إخلاء رابعة !! ... وإزاي العرب جتلهم الجرأة على غير العادة إنهم يتحدوا إرادة أمريكا والغرب عشان يدعموك !؟
والأغرب من ده كله إن يتم إختيار مصر في عضوية مجلس الأمن غير الدائمة ولمدة سنتين في أكتوبر 2015 !!
- مش غريبة إن الغرب لما قال إنك مش قادر تسيطر على الإرهاب في مصر ، ييجي الإرهاب ويضربهم في باريس أكبر المدن الأوربية!!؟
والأغرب برضه أن يتم إختيار مصر لرئاسة لجنة مكافحة الإرهاب في ديسمبر 2015 !!
- مش غريبة أنهم في الوقت اللي بيحاصروك فيه اقتصاديا ربنا يجعلك تكتشف أكبر إحتياطي غاز بالعالم في أرضك ؟!
- مش غريبة أنهم يمولوا سد النهضة عشان يعملوا على مصر حصار مائي ، يقوم الفيضان ييجي ويملا السد العالي ويفيض في سابقة لم تحدث من 100 عام ؟!
- مش غريبة أن أغلب الشباب اللي أتصوروا جنبك فازوا بميداليات في أولمبياد ريو دي جانيرو بالبرازيل في أغسطس 2016 ؟!!
- مش غريبة إن المرشح الأمريكي للرئاسة ترامب اللي وصفته بأنه هيكون زعيم قوي هو اللي يفوز بالمنصب رغم كل التوقعات بفوز الحيزبون هيلاري كلينتون ؟!
- مش غريبة أن رغم كل المؤامرات والعراقيل اللي بتتعمل في سكتك (إرهاب - ضرب سياحة - تدمير إقتصاد ممنهج - لبن أطفال - رز - سكر - إرتفاع الدولار - إشاعات) كل ده ولسه قادر تخطيهم وتكمل وتبني وتعمر في بلدك !!
- ياراجل دي لأول مرة في التاريخ المعارضة بدل ما تسألك بتودي الفلوس فين بقوا يقولولك بتجيب فلوس المشاريع دي منين !!
- مش غريبه أن رد فعلك يذهل العالم حين ضربت بالطائرات داعش وأذنابها مرتين ويقف العالم في الأولي مذهولا وفي الثانية مؤيدا ؟!
- مش غريبة أن اللي ينصرك ويؤيدك هو الحق تبارك وتعالي القائل والله لانصرن من لاحيلة له حتي يتعجب أصحاب الحيل؟!
.. فإن كان الله معك فمن عليك
إنت مين يا عم إنت ؟!
..وعشان كده ثقتي في هذا الرجل لا تنقص إبدا بل تزيد.... والله ناصر من ينصره.
طب ومش غريبة أن مرسي عمل مؤتمر جمع فيه الإخوان والسلفيين وكل مشايخ مصر في الاستاد لدعم لا مؤاخذ مجاهدين سوريا وعزل الأسد يقوم هو اللي يتعزل والأسد مازال رئيسا لسوريا حتى الآن ؟!
طب ومش غريبة أن مرسي والإخوان كانوا هيموتوا عشان يسجنوا الفريق شفيق ولكن لم يمكنهم الله من سجن شفيق، وسجنهم ومتع شفيق بكامل حريته ؟!
مش غريبة إن الإخوان كانوا دايرين يلفوا في جميع محافظات مصر ليل نهار يهتفوا بسقوط العسكر، فأسقطهم الله ورفع العسكر؟!.
وأخيرا وليس آخرا إظهار حقيقه دويلة قطر الإرهابية و دعمها و تمويلها للتنظيمات الإرهابية.
تحيا مصر