شبح «صفر الثانوية» يعود من جديد.. .ومغردون يدشنون هاشتاج «#حق_بسمله_يرجع»
شبح «صفر الثانوية» يعود من جديد.. .ومغردون يدشنون هاشتاج «#حق_بسمله_يرجع»
كتب: محمد محمود
تصدر هاشتاج «#حق_بسمله_يرجع» موقع التواصل الاجتماعي تويتر، وكان حديث معظم رواد التواصل الاجتماعى ، اليوم الجمعة ، وذلك بعدما قامت طالبة بالثانوية العامة بالبحث عن نتيجتها لتكتشف أنها محجوبة .
وشهدت امتحانات الثانوية العامة واقعة جديدة للعام الدراسى 2019- 2020 كالسنوات السابقة .
وانتفض رواد تويتر على مواقع التواصل الاجتماعي لدعم الطالبة بسملة المعروفة بـ «طالبة صفر الثانوية» ، وجائت تغريداتهم كالتالى:
بسملة طالبة متفوقة، إتعملها قضية تسريب امتحان مع ناس كانوا قاعدين وراها لقوا معاهم موبايلات، دلوقتي هما سقطوها واتحرمت من الامتحانات السنة الجاية كإجراء تأديبي، دا ظلم كبير هي ملهاش ذنب وحرام يضيع تعبها ويضيع من حياتها سنتين كدا #حق_بسمله_يرجع
-حراام ال بيتعمل ف الطلاب ده وخصوصا بسمله لازم حد يتحرك وحق بسمله لازم يرجع #حق_بسمله_يرجع
-دي بسمله عصام سلامه اتظلمت ف امتحانات الثانويه العامه واصحابها والمدرسين بتوعها يشهدوا انها من الناس المتفوقه جدا ومن الناس ال ف حالها من الاخر ماشيه جمب الحيطه وحده قاعده وراها صورة ورقتها وبعتتها لحد تاني واتعملها محضر غش ظلم
ريتويت ي جماعه عشان توصل لحقها
#حق_بسمله_يرجع
-ربنا يكرمها ويرجع حقها لو مظلومه #حق_بسمله_يرجع
-جماعه بالله متكسلوش حطوا نفسكم مكان بسمله سواء اللي يعرفها او اللي ميعرفهاش بسمله متستحقش كده
#حق_بسمله_يرجع
#نتيجه_بسمله_تظهر
متعاطف جدا والله مع البنت ، حرام يعني ده مجهود سنة كاملة ضاع في لحظة ، ربنا معاها وباذن الله الحق يظهر
#حق_بسمله_يرجع