خالد منتصر ورأي صادم في قضية زرع الأعضاء

كتب: أحمد النومى تهكم الدكتور خالد منتصر علي ما يثار من قضية خطف البنات بحجة سرقة اعضائهن . وقال " منتصر " عبر صفحته علي فيس بوك "المجتمع الذي مازال يصدق ويقتنع بأن بناته بيتخطفوا عشان تتسرق أعضاءهم وتتباع عشان تتزرع لناس تانيه ، يبقى مجتمع مغيب بيعاني من خلل عقلي وهوس بالخرافات وتفكير هستيري متشنج ، ده كلام أفلام درجة تالته ، زرع الأعضاء ده إجراء معقد جداً، والعضو اللي بيتاخد من متبرع بيتاخد بواسطة جراح محترف مش بلطجي أو شبيح أو رئيس عصابة ، ولازم يوضع ويحفظ في سائل معين له تركيبة كيميائية محددة ومضبوطة مش في شوية زيت وخل ، ولازم يتعمل له توافق أنسجة في معمل متخصص على أعلى مستوى مش ياخد الكليه أو الكبده ويخبيها في ترب الغفير ويبيعها تاني يوم !!!، وفريق جراحة التبرع في إتصال مع فريق جراحة الزرع ..الخ، اللي بيروج ده عن عصابات خطف بنات اسكندرية عشان نزع أعضائهم ده شغل أفلام هندي وكلام فارغ ، نتيجة تعليم منحدر وإعلام لايمنح الشعب مناعة ثقافية أو ثقافة علمية ، ياجماعه ثقافة برامج الجن والعفاريت اللي مسحت العقول ماتنفعش في زمن الهندسة الوراثية والذكاء الإصطناعي.