«فعلا اتهورت».. بسمة بوسيل تعتذر لزوجها تامر حسنى

كتب: محمد سمير

وجهت بسمة بوسيل، رسالة اعتذار إلى زوجها تامر حسنى، بعد انسياقها خلف الشائعات  وتردد أنباء حول انفصالهما.

وكتبت بسمة، عبر خاصية "ستورى" بحسابها الشخصى، بموقع التواصل الاجتماعى إنسجرام، رسالة لـ تامر حسنى، قائلة: "فعلا اتهورت.. بس عشان بحبك".

كان تامر حسنى، وجه صباح اليوم، رسالة لـ زوجته عبر إنسجرام، قائلا: «أنا مش هزعل منك وأنا ضهرك وسندك مهما حصل، ويا ريت تركزى مع الناس اللي دعولنا ودعوا لولادنا، وشكرًا لكل الفنانين اللي سعوا للخير لينا».

وكتب حسنى لها: «بسمة حبيبتي للأسف أنتي مفكرتيش كويس، وسلمتي ودنك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلى اللي عرفتيني وحبتيني بيها إزاي وصلوكي للزعل والبعد فترة المهم أنا مش هزعل منك ولا يرضيني زعلك أنتي حبيبتي وأم ولادي أنا ضطرهك وسندك مهما حصل».

وأضاف: «بس اللي عايز أقوله لعل نكون سبب خير في توعية ناس كتير ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة، ما بينهم وياريتها مشكلة أصلا ربنا جعل ما بنا مودة ورحمة عشان كده للاسف أنتي عارفة ان في ناس في طبيعتهم حب خراب البيوت، ومش هنخلص منهم بس انتي اللي هتخلصي من فكرة انك تسمعيهم مع انك ماكنتيش كده».

وتابع: «ياريتك تركزي مع طاقة الناس اللي دعولنا ودعوا لولادنا بكل خير وفعلا أنا بشكل كل الناس الفنانين اللي سعوا في الخير لينا، وأنا واثق انك دولوقتي زعلانة انك كتبتي كده، هو تصرف متهو منك بس ولا يهمك مش عيب ان الانشان يغلط، ويتعلم، وأنا ياما علمتك ولسه هعلمك، كان نفسي الكلام ده يكون بينا لكن انتي اشركتي الجمهور الكريم فكان لازم ارد هنا بينا حب غالي وحياة كريمة وأولادنا وبيتنا أغلى ما فيها، ربنا يخلينا ليهم ويخليهم لينا يارب متهورة بس بحبك».