دار المعارف
نشرت اليوم الأحد صفحة"امسك مرتشى " على موقع "فيسبوك هذه الاتغاثة التى وصلتها من مواطنين بسبب ما يحدث لمدافنهم الواقعة فى مدينة 6 أكتوبر، وجاء فى نص الاستغاثة الآتى:
" يا حضرات عايـز منكم إجــابة ؟ يعنى إيه تمتلك مدفن لـدفن أسـرتك وأقـاربك وعند الذهاب للدفن تجد مدفنك بابه اتسرق وجميع محتوياته ؟
ولما تجمع معلومات يقولوا مفيش حد يقدر يعملها غير المعينين من جهاز أكتوبر تحت اسم (الترابية)!
وعند دفـن واحد من أهلك يفرض صاحب السلطة جناب التربى - عليك مبلغ ( استلام مدفن ١٥٠٠ ج - السماح لدفن المرحوم كأتعاب تربى ١٠٠٠ ج - غفرة سنوية ٦٠٠ ج - دفعت كمان بدل الباب المسروق تحت أعينهم ١٦٠٠ ج - مجاديل حجارة وأحجار لغلق العين بدل المسروقة ١٠٠٠ج - غفرة السنين الماضية مبلغ كذا ... ) !
يعنى يا حضرات بعد رحلة شـقاء وتعب بالمستشفيات مع أهـلك ودفع دم قلبك لعلاجهم تقف عند موتهم فى مواجهة مع جناب / التربى - يقولوا لازم تدفع ؛؛ ولو مدفعتش يكون الـرد من معالى / التربى - لا لا مفيش دفن ومش هدفنلك وكمان مفيش عمال أو تربى غريب يقدر كمان يدخل هنا ولو قلت ده مدفنى باسمى يكون الـرد لازم تدفع وإلا ( #أبقى شوف مين هيحافظ على مدفنك ) ووسط تجمع الأقـارب والمعزيين يا حضرات يكبرك ويحرجك ويضعك أمام الأمــر الواقـع ويبتزك لدفع جميع الفلوس المفروضة عليك دون ايصالات رسميه من أى جهة .
الســـؤال هنا يا حضرات ؟؟
يعنى إيـــه الجهاز يقوم بتعيين أشخاص لجمع إتاوات من أصحاب المدافن بأكتوبر دون تحديد سقف أتعاب ؟ هو مين اللى بيقف ورا هؤلاء وبيحمى هـذا الإبتــزاز من الجهاز ؟!
المعروف والشائع لدى الجميع عند ذهابنا لدفـن أقاربنا بمدافن قرى القليوبية وقرى الجيزة بتكون مصاريف أتعاب التربى عند الدفن (من ١٠٠جنيه إلى ٢٥٠) يعنى مبلغ معقول لأتعاب رجل ،ومع مساعده ولكن ما يدور بمدافن أكتوبر ومدافن محافظة الجيزة ليس له مسمى إلا بلطجة وإتاوات ، وفى ضوء ذلك .."
وناشد أصحاب الرسالة الصحافة النشر، والمتضررين من أبناء المدينة أو أصحاب "الترب" تقديم بلاغ إلى النائب العام ضد هذا الابتزاز الذى يقع كل يوم على مسمع وعلم من قيادات جهاز مدينة أكتوبر، وذلك لإيجاد حل أو شطب (مافيا تجار الأراضي والمدافن) المعينون تحت مسمى (الترابية) وتعييـن ناس شــريفة عايزة تأكل عيش وتحديد رسوم دفن بإيصالات وسعر غفرة سنوية.