قالت الإعلامية رولا خرسا، إنها ما زالت تعانى من تأثير إصابتها بفيروس كورونا، مؤكدة أن تجربتها كانت بالغة القسوة.
وكشفت رولا، عبر حسابها الرسمى فى موقع التواصل الاجتماعى "فيسبوك" قائلة: "فى يوم كتبت عنه، سبحان الله، على فيسبوك، وكأن قلبى كان حاسس أنه حيكون يوماً فارقاً فى حياتى، ركبت أوبر لففنى مصر كلها، كان يوم حر نار، قفل السواق الشبابيك وشغل التكييف، ورغم كده العربية كانت فعلاً حر جداً".
وأضافت، فى منشور بعنوان "أنا والكورونا": "ساعتين على ما وصلت مشوارى، أتارى دى كانت بس البداية، يبدو، والله أعلم، أن كان فيه فيروس كورونا معانا، ونزل معايا، وتانى يوم تمحور وتمركز".
وتابعت: "أنا لسه فى التعافى، ولسه تعبانة، بس هاحكى لكم يومياتى مع الكوفيد اللى عديت بيها من غير نكد وبشوية تفكير، لأن التجربة كانت قاسية على، ورغم كده ألف حمد وشكر لله على كل شيء دائماً وأبداً".
وأضافت فى منشور أخر، بعنوان "الكوفيد دحلاب دحلاب" قائلة: "رحت مشوارى بتاع أكتوبر وكله كان ميت فل وعشرة وروحت بالليل فى عربية شبابيكها مفتوحة.. وأكلت خوخ ونمت.. تانى يوم كنا فى الأسبوع التانى من رمضان بدا مغص فظيع .. مصارينى بتتقطع.. قلت دا الخوخ أكيد مرشوش وهو السبب.. ولا خطر على بابى أبدا أبدا أنها كورونا".
وتابعت: "قبلها باسبوع صاحبتى كانت اكتشفت بعد شهرين عذاب وآلام فى العظم جامدة جدا وبعد ما لفت على دكاترة عظم كتير ..اكتشفت بالصدفة وهى مسافرة إن كل الى هى فيه كورونا وكل وجع العظم راح بعد ما أخدت بروتوكول العلاج.. قبل كده كل معرفتى بال كورونا رغم كل اللى بنقرأه إنها أساسا حرارة وبرد وعطس.. وبعدها الحاجات التانية".
واستطردت: "بدأ تقطيع فى بطني.. حاجة كدا زى الأفلام، أما يورونا مشهد تسمم.. وربنا يسامحنى لأنى رميت الخوخ بعد ما اتهمته بأبشع التهم.. ألم غير عادى ما وردش على قبل كدا، وكل دا بقول: الخوخ السبب".