رد الرئيس عبد الفتاح السيسي، على أحد المواطنين، قال فيه « أنا كنت ساكن في الكيلو 4.5 في عزبة الهجانة، في شارع الورشة، كانت المنطقة ما يعلم بيها إلا ربنا، حضرتك ريحتنا ياريس راحة تامة»، فقال الرئيس: « احنا سمينا المكان ده مدينة الأمل، عشان لما نيجي نقولها بعد كده، اسمها مدينة الأمل».
وأضاف «السيسي»، خلال إفطار الأسرة المصرية، على هامش افتتاحات مشروعات الإسكان الاجتماعي، اليوم في مدينة بدر، « المناطق دي فيه زيها في الخصوص ومناطق كتير جدًا، نمو سكاني غير مخطط، مش عيب في المكان بل عيب في الظروف اللي كانت موجودة في البلد، اللي خلت النمو يحصل فيه كده، الناس اللي فيها أهلنا ومسئولين إننا نحسن ما أمكن منه».
وأردف رئيس الجمهورية: «عشان نعمل طريق واحد، تقريبا خلص، طولة 1.6 كيلو متر، شيلنا 4 ألاف وحدة سكنية، من ضمنهم الوحدات اللي الناس راحوا (أهالينا) مش مشناهم وقولنا لهم خدوا تعويض، قولنالهم تعالوا اقعدوا في مكان تعيشوا فيه عشان اعمل طريق للآخرين، عشان أشيل البيت، ومن خلال الإزالة دي يتفتح طريق في مكان مفهوش طرق خالص».
وتابع: «لو عاوز أعمل شبكة طرق جوه مدينة الامل، محتاج اشيل 30 الف وحدة، بمرافقها بحلها ومحتالها بنص مليون جنية للوحدة، يعني نعدي الـ 10 مليار، عشان نعمل شوية طرق، في حين اننا لو نعمل طريق في حته فاضية، ميكلفنش الا ثمن الطريق، لما نيجي نعدل حياة الناس تكلفة التعديل أعلى كتير من أني اعمل جديد».