رد الرئيس عبد الفتاح السيسي، على تخوف فتاة تُدعى «روضه»، من أن قانون العمل الجديد يكون له تأثير سلبي على الشباب، وذلك خلال إفطار الأسرة المصرية، على هامش افتتاحات مشروعات الإسكان الاجتماعي، اليوم، بمدينة بدر، إذ قال « عاوز أقولها خلي بالك، إحنا بنحاول نعمل كل حاجة بشكل متوازن، يعني اية متوازن، يعني نحقق توازن ما بين الإيجابيات والسلبيات، لا نميل يمين أوي ولا نميل يسار أوي».
وأضاف «السيسي»،: « التوازن ده مطلوب في كل حياتنا وقد يكون غريب علينا، لأن أمورنا مكنتش ماشية بتوازن في حاجات كتير، حصل حوار ونقاش مجتمعي حول قانون العمل الجديد، الموضوع اتناقش بواسطة منظمات مجتمع مدني وبواسطة البرلمان واللجان التخصصية أكيد، مجلس الوزراء أخذ نقاش كبير فيه أكيد، حتى نتلافى أي تأثيرات سلبية ما أمكن».
وتابع: «لكن بالمطلق منقدرش نقول أي اجراء على مستوى الدولة ميكونش ليه أثار، يعني محدش يقدر يقولي هعمل نظام 100% صح أو هعمل قانون 100% صح ، لو قولت كده يبقى مش صادق معاكم، أكيد ممكن يأثر، وده دورنا في المبادرات، لما جينا نعمل موضوع يبقى ليه تأثير على بعض الفئات أخذنا إجراءات، لما جينا نعمل موضوع الإصلاح الاقتصادي، كنا عارفين انه هيبقى ليه تأثير سلبي على فئات في المجتمع عملنا اجراءات، عملنا تكافل وكرامة ووسعنا الدائرة بتاعتها عشان تاخد 3 مليون اسرة كان هيبقى صعبة عليهم يتحملوا الظروف الصعبة الاقتصادية».
وواصل: « لما نعمل قانون أو اجراء، هذا القانون نحاول نعمله لو ليه تأثير احيانا يمس حد نعمله مبادرات تحل المسألة للمجموعة دي، وده عملناه لمجموعات كتير جدا وفي قطاعات كتيرة جدا».