أعاد الفنان حسام داغر اليوم نشر صور قططه ضحايا جريمة غير انسانية، تم خلالها وضع سم لهم في الطعام، مثلما أكد الفنان في وقت سابق وقال: "رجعت من التصوير لقيت القطط عندي حد سمهم و مات منهم ٤ و قط صغير معاهم و الباقيين لسه بين حياة و الموت .. حد اداهم السم مع اكل و خلاهم ياكلوه .
وتابع: مرحمش ضعفهم و فرحتهم بيه و هو بياكلهم .. ربنا شايف و مطلع علي الي عمله .. هما مكانوش مضايقين حد انا كنت متولي اكلهم و شربهم طوال الوقت و عايشين في جنينتي و مبيخرجوش الا لو حدد بسبس لهم يعني قاصد.
وأضاف: صعبان عليا خضة و بكاء اختي و جاري و صعبان عليا نفسي اني مكنتش موجود علشان امنع عنهم الاذي .. لازم قانون يحاسب غلاظ القلب دول بس هيروحوا فين من حساب ربنا … حسبي الله و نعم الوكيل"
كما ذكر انه تواترت اليه معلومات بأنه قد يتم تعديل القانون الخاص بجريمة القتل العمد للحويانات الأليفة، وحيث ينص القانون الحالي علي: الحبس لمدة لا تزيد عن ٦ أشهر أو دفع غرامة مالية قدرها ٣٠٠ جنية مصري فقط لا غير، وبعد تلك الجريمة سيؤدي التعديل المقترح إلي الحبس لمدة تصل الي ٧ سنوات لمن يقتل حيوان عمد بدون سبب.