نشر الفنان وائل عبد العزيز شقيق الفنانة ياسمين عبد العزيز، تعليق له عبر حسابه الرسمي علي موقع التواصل الإجتماعي "فيس بوك"، وشكر الجميع علي الدعاء لشقيقته، وتمني لها الشفاء التام، واعرب عن حبها لها الشديد وانها بمثابة ابنته وليست اخته فقط.
فقال وائل: "انهاردا كان يوم حلو ومناسبتين يستاهلوا الحمد ...الاولي ان ياسمين قربت للتعافي بعد مشوار تعب طويل لاني فعلا شوفت اختي علي مشارف الموت وكان إحساس ربنا ما يكتبه علي حد.
وتابع: ياسمين مش اختي دي بنتي وحبيبتي والتاني اني وبعد غياب كتير اختفاء عن صحابي قابلتهم كلهم انهاردا في احتفال متعود علي التواجد في كل موسم " dear guest ".
وفي الختام: الحمد لله علي دعاء الناس من كل مكان في الدول العربيه وغيرها من الجاليه العربيه حول العالم .. انتو مش متخيلين كم الرسايل والدعاوي والتمني بالشفاء لبنتي .. احنا والحمد لله في نعمه كبيره وفضل من ربنا بوجود الناس دي حوالينا.. وشكرا لكل الناس بجد من قلبي ويارب منشوفش في حد حاجه وحشه".