كشف الإعلامى أحمد شوبير، عن آخر مستجدات تمديد تعاقد الجنوب إفريقى بيتسو موسيمانى، مع النادى الأهلى بعدما ترددت أنباء حول اقتراب القلعة الحمراء من التعاقد مع البرتغالى فييرا لخلافة موسيمانى بقيادة المارد الأحمر.
وأعلن شوبير فى برنامجه الإذاعى الذى يبث عبر إذاعة "أون سبورت إف إم"، وقال: "الأهلى لن يتسرع في تمديد تعاقد موسيمانى.. موسيمانى فاضله سنة في عقده والأهلى مش هيستعجل وأنا لو مكان موسيمانى متكلمش دلوقتى لازم اشتغل واجتهد وأتمنى يركز في النقطة دى خاصة أن جمهور الأهلى بيحبه".
وواصل شوبير حديثه، قائلًا: "بلاش مشاكل والموسم لسه في أوله واللاعيبة كلها هتاخد فرص فبلاش نعمل مشاكل من دلوقتى، الإصابات بدأت مع صلاح محسن ومحمود وحيد وكل اللاعبين سوف تحصل على فرص المهم نركز ونجتهد عشان عندنا بطولات كتير ، ومش عاجبنى ان الاهلى مش بيلعب مباريات ودية ، كل الفرق بتلعب الا الاهلى معرفش ليه".
وأضاف :"أتوقع أن يكون فيوتشر فى مركز متقدم عشان معاه لاعيبة كويسة وفاركو هيكون الحصان الاسود فى البطولة ، وخايف على الاسماعيلى خوف شديد وربنا يستر على طلعت يوسف وأتوقع هزة لسموحة والمصرى عشان سابوا لاعيبة مميزة ، واتوقع أن المقاصة وغزل المحلة والشرقية للدخان هيعانوا بالموسم الجديد عشان متعاقدتوش مع لاعيبة مميزة وكمان معاهم الجونة لو مبدأش كويس زى الموسم اللى فات".
وحسم مسئولو النادي الأهلي، الجدل الذي أُثير مؤخراً بشأن التفاوض مع مدرب أجنبي لخلافة بيتسو موسيماني المدير الفني للفريق، وأعلن الأهلي أن هذا الأمر غير صحيح على الإطلاق ولم يتفاوض النادي مع أي مدرب أجنبي لتدريب الفريق، وشدد مجلس الأهلي على أن موسيماني مُستمر مع الفريق ولن يرحل حاليا.