تعرضت طالبة تدعي "رانيا سليمان" لواقعة تحرش جنسي داخل سيارة ميكروباص، عبر حسابها بموقع التواصل الاجتماعي إنستجرام، وأكدت أنها قامت بتحرير محضر بالواقعة في قسم التجمع الخامس بمديرية أمن القاهرة.
وكتبت "رانيا": "أنا حرفياً بكتب البوست ده وانا منهارة ومكنتش متخيله أن ممكن في يوم انزل بوست زي ده مش عارفه أوصفلكم إحساس الخوف والتعب النفسي والجسدي ال أنا فيه انا مرضتش انزل الفيديو عشان نفسيتي أنا كفايه انه ف تلفوني وكل مبشوفه بنهار".
وتابعت "رانيا سليمان" أنا كنت راكبه التجمع من موقف الحصري مكنش فيه غير مكانين جنب السواق وانا ركبت وبنت جنبي وفي نص الطريق حاسة بحاجه ع رجلي وانا مش عاوزه اعمل شوشره عشان مظلموش فتراجعت للخلف نفسي وهو مصمم برضو لحد ما قررت اطلع تلفوني واصوره ع الاقل اخد حقي قانوني ايده كانت مش ثابته وكان عمال يديني في جنبي هو طبعا مش بيديني ف جنبي هو عاوز يلمس اي حته وخلاص صورت اللي صورته وخوفت، الفون عند وشه ولما كله نزل قولت هنزل، لسه باخذ شنطتي لاحظ ان الكاميرا مفتوحه شد ايدي ومرضيش ان انزل يقولي خدي تعالي معايا يا تيجي معايا يتتجيبي التلفون فضلت أقاوم ونطيت من العربيه وأول ما نزلت صورته وصورت العربية".
وأكدت "الحمد لله اني لحقت لأنه جري، هعمل محضر وهاخد حقي قانوني وحسبي الله ونعم الوكيل انا حرفيا صوتي بقاله يومين مش طالع ومكنتش قادره ان أصوت للأسف انا مش هقول غير كل بنت تاخد حقها انا هعمل محضر وهاخد حقي ان شاء الله، لازم نحارب أن كله يخاف يأذي اي بنت متركبوش العربيه دي".
View this post on Instagram
A post shared by Rania Soliman (@rany_soliman)
وطالبت رانيا سليمان، من متابعيها : "اعملووو منشن للمشاهير اعملو منشن للمشاهير عشان يشيرو اعملو منشن الناس توصل صوتي وحقي يجي ، ساعدوني زي ما بتساعدو ناس كتير".
واستغاثت "رانيا سليمان" بالأجهزة الأمنية ب مديرية أمن القاهرة لسرعة ضبط المتهم الذي تحرش بها قائلة "أنا عاوزة حقي".