عبر رجل الأعمال المصري نجيب ساويرس عن رفضه لقرارات نقابة الموسيقيين في مصر بمنع مطربي المهرجانات من الغناء في البلاد، متحديا أنه سوف يدعوهم جميعا إلى مهرجان الجونة.
وقال نجيب ساويرس عبر حسابه بتويتر، "أول مرة أشوف نقيب للمغنيين فخور جدا بمنع الغناء الجمهور اللي يقرر يسمع مين وميسمعش مين.. مش النقيب".
وفي مداخلة هاتفية له اليوم مع الإعلامي عمرو أديب، ببرنامج "الحكاية"، المُذاع عبر فضائية "mbc مصر"، أبدى المهندس نجيب ساويرس، رجل الأعمال، اعتراضه على قرارات نقابة الموسيقيين بوقف عدد من مؤدي المهرجانات عن الغناء، قائلًا: "من حقي أسمع اللي أنا عايزه، وأنا بحب الغناء الشعبي"، متسائلًا: "لما أخش الدش أخد تصريح من حد أغني إيه أو أسمع مين؟".
وتابع: "الموضوع فيه نفسنة وغيرة، وفيه قانون في مصر وكل اللي اتمنعوا رفعوا قضية في القضاء الإداري".
وتابع المهندس نجيب ساويرس: "النقيب مش قيم على أذواق الناس واحنا أحرار نسمع اللي بنحبه، ودورك كنقابة إنك تصرف أو تساعد أو تعالج نجم تابع للنقابة، ولكن لست رقيبًا على المصنفات الفنية، طب أنا مبيعجبنيش غناه".
وتابع المهندس نجيب ساويرس: "إذا كان القانون بيمنح النقيب هذا الحق في منع نوع من الغناء يبقى القانون غلط"، مضيفًا: "الجمهور من يقرر إيه اللي ينفع يتسمع، واللي مش عاجبه المهرجانات يقفل التليفزيون"، متابعًا: "تعبنا من الناس اللي جاية تفرض علينا طريقتها، وقطع الأرزاق ربنا مش بيسامح فيها".