أكد النجم هاني شاكر، تأثره حتى الان من رحيل ابنته دينا، قائلا: "بعيط لما بتيجي سيرة دينا بنتي وهي مسبتنيش ولا فرقتني أنا ولا نهلة مراتي ولا فارقة اخواتها والله بحس إنها عايشة معانا وابناءها بحس انهم روحها وربنا يرحمها".
وأضاف الفنان هاني شاكر، خلال حواره ببرنامج "حبر سري" مع الاعلامية اسما ابراهيم، على قناة القاهرة والناس، متأثرا خلال حديثه عن ابنته الراحلة: "السنين مش بتنسي والفراق كوم وفراق الضنا كوم تاني ووجع، وربنا ما يوريه لحد، واحساس كأن جواك كله فضي"، مؤكدا أن وفاة الابناء اختبار صعب من الله وربنا قدره على انه اعطاه الصبر والقوة.
ووجه هاني شاكر رسالة الى ابنته متأثر: "لو دينا أمامي الان هقولها واحشتيني جدا ومفتقدك جدا وعمرك ما غبتي عن بالي لحظة وربنا يبارك فى اولادك".