حل النجم علي الحجار ضيف مع الفنان والإعلامي أمير كرارة، في برنامج "سهرانين" على قناة ON، وكشف علي الحجار عن شجار جمعه مع الفنان محمد حلو منذ سنوات رغم علاقة الصداقة القوية التي تجمعهما.
قال الحجار: "اكتشفنا بالصدفة أن الملحن باع لنا أغنية (بلادي أنا ابنك) احنا الاثنين من ورا بعض، فبقت بتاعتنا سوا، وبقينا بنغنيها سوا في مكان ما، لكن كان في مطرب تالت نفسه يغنيها معنا وكل يوم يطلب مني ده".
أضاف الحجار: "المطرب ده كان كل يوم يقولي عاوز أغنيها معاكم، لكن محمد الحلو بيرفض وبيقولي هيبوظ الأغنية، وأنا أقوله الراجل بيتحايل عليا، لكن هو يقولي نوع الغناء واللحن دا مش لايق على خامة صوته، المهم فضلت اتحايل عليه لحد ما وافق، وفعلا المطرب ده معرفش يقدمها صح، فقالي شوفت مش قولتلك هيبوظها.. هضربكم أنتم الاتنين.. ومحمد إيده طويلة عموما".
يذكر أن آخر تعاون جمع بين علي الحجار و محمد الحلو كان في عام 2003، وكان تتر مسلسل "خان قنديل" من بطولة صفية العمري وعزت العلايلي، وإخراج إبراهيم الشوادي، وتأليف أحمد الزناري.