كشف محمود عمرو محمود ياسين أن الجمهور لازال يشعر باللغط كون اسمه هو نفس اسم جده الراحل محمود ياسين قائلاً : الناس لسه مش مستوعبة أن فيه حد تاني اسمه محمود ياسين ولسه بتتلخبط بين الجد وأنا وده حقهم طبعاً لأنه لن يتكرر عشان كده بقوا بيحطوا كلمة محمود " جونيور " وخلاص قبل اسمي ".
تابع في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة " ON قائلاً : " أتمنى تكون 2022 أفضل من سابقتها خاصة أن وضع كورونا تحسن في 2021 فاتمنى العام الجديدي الدنيا تبقى أفضل.
وكشف أنه تعرض لهجوم " السوشيال ميديا " مع أول عمل يقوم به في نصيبي وقسمتك قائلاً : " أول مانزل البوستر ومن قبل ماامثل دخلوا كتبوا مابيعرفش يمثل ؟! وكان نفسي أسأله شفتني فين ؟!".
وكشف أن أفضل يوم له في عام 2021 كان مشهد قتله الذي تحول لتريند في مسلسل الي مالوش كبير وأن ال عمل رغم أنه من كتابة والده إلا أن ترشيحه للدور كان من ياسمين عبد العزيز قائلاً : " دوري ده أهم دور في أعمالي أخدت فيه مساحة أكبر وعلم مع الناس وإنبسطوا بيه ".
واصل : مكنتش متخيل أني أنجح كده لحد النهاردة النا س بتقابلني في اشلارع فاكرين دوري في مسلسل الي مالوش كبير ".
وذكر أنه شارك في أعمال أخرى مهمة بعد ذلك تتناول قضية مهمة مثل حقوق المرأة بعد الطلاق والهجرة غير اشرعية في عملي "أم العيال " و زي القمر قائلاً : " الناس بتقلي أنت ليه كل شوية تموت في الادوار ؟! بقلهم مش ذنبي "
وعن ردة فعل جدته الفنانة " شهيرة " قال : بتتابعني ومعجبة بي وبتكلمني في كل تفصيلة لدرجة أنها بتشاهد السوشيال ميديا وتتصل بي وتقلي محمود فيه حد كتبلك " كومنت " رد عليه عيب .. ".
إستطرد : " جدتي أعجبت بدوري في زي القمر وكلمتني وعيطت وقلتلي مش عارفة بعيط عشان حلاوة الدور ولا إنت صعبان عليا ؟ ولا عشان كان نفسي جدك يشوفك ".