محمد التاجي يرد على محمد رمضان: "لو قصده أن يسخر مني فربنا يسامحه"

محمد التاجي يرد على محمد رمضان: "لو قصده أن يسخر مني فربنا يسامحه"محمد التاجي يرد على محمد رمضان: لو قصده أن يسخر مني فربنا يسامحه

ثقافة وفنون24-1-2022 | 02:35

سارة رفعت

علّق الفنان القدير محمد التاجي، على هجوم الفنان محمد رمضان عليه بعد استنكاره في لقاء تليفزيوني ما قام به النجم الشاب من إلقاء الدولارات في حمام السباحة.

وقال التاجي، خلال مداخلة مع برنامج "تحت الشمس" الذي يقدم الدكتو ر معتز عبد الفتاح عبر قناة "الشمس": "أول ما حد بعتلي اللي قاله عليّا ضحكت وسكت ولم أعلق، لا تعليق عندي على ما قاله، لو هو قصده شكر وقصده الخير ليّا فأنا متشكر جدا، ولو قصده أن يسخر مني فربنا يسامحه.. أنا مسامحك يا رمضان، والناس ردتلي حقي لو كان قصده وحش وعشان كده هو شال البوست، ومقدرش أقول أكتر من كده".

أضاف: "أنا قولت في اللقاء التليفزيوني إن محمد رمضان مش بيستفزني، هو صعبان عليّا، لأنه يكوّن عداوات أكثر منها محبة من الناس، ولما الناس تشوفك بترمي فلوس في حمام السباحة فالأولى أن داري على شمعتك تقيد يا محمد، أنت صعبان عليّا وممكن العين تاخدك وأنت اتكعبلت السنة دي كتير، وسيبك من كل ده وخليك في الفن وبس، وربنا يزيدك يا محمد من نعيمه ومحدش بيكره لحد الخير".

وكان محمد رمضان كتب عبر حسابه بموقع "إنستجرام": "الفنان القدير محمد التاجي، حضرتك تملك تاريخ لا يقدر بمال.. الفلوس مهمة بس التاريخ أهم.. ربنا يباركلك في صحتك وعمرك.. ولو خيروني بين التاريخ والفلوس، بصراحة هختار الفلوس، وابقى أخد دروس تاريخ على حسابي"، قبل أن يتراجع ويحذف منشوره.

أضف تعليق

الحوار الوطني ومستقبل مصر

#
مقال رئيس التحرير
محــــــــمد أمين