كشف الفنان خالد الصاوي عن تطورات حالته الصحية بعد تعرضه لأزمة مرضية خلال الفترة المقبلة، مشيرا إلى أنه أصبح في حالة جيدة، وعاد للتمارين الرياضية مرة أخرى للحفاظ على صحته.
وقال خالد الصاوي أثناء العرض الخاص لفيلم «تماسيح النيل» عبر «ET بالعربي» قائلا: "أنا بحب كل واحد وواحدة سألوا عليا أثناء مرضي والحمد لله أنا حاليا بخير، وحسيت أد إيه الناس بتحبني، وكنت هعيط من كتر الحب اللي شوفته من الناس".
وأضاف: «هاخد بالي من صحتي الفترة الجاية الناس حسستني قد إيه بتحبني وبتقدرني وأنا عشان كدا هاخد بالي من صحتي، وأقدملهم شغل فأنا هشكرهم بالشغل بتاعي مش بالكلام، وأنا هتابع صحتي بشكل صحيح ورجعت للتمرين مرة تانية وإن شاء الله السنة الجاية هصغر 10 سنوت».
فيلم «تماسيح النيل» بطولة مصطفى خاطر، حمدي المرغني، خالد الصاوى، كريم عفيفي، ويزو، هنادي مهنى، بيومي فواد، محمد ثروت، محمد جمعة، سليمان عيد، سامية الطرابيلسي، بدرية طلبة، شريف حسني، لما كتكت، وعدد آخر من الفنانين، وتأليف لؤي السيد وإخراج سامح عبدالعزيز وعرض الفيلم خلال الأيام الماضية بدور العرض السينمائية.