تعرضت الإعلامية رضوى الشربيني لهجوم الجمهور المغربي بعد ندوتها بأستوديو الفنون الحية في الدار البيضاء تزامنا مع الاحتفال باليوم العالمي للمرأة.
ونقدم لكم أبرز تصريحات رضوى الشربيني في وسائل الإعلام المختلفة ب المغرب والتي أثارت حالة من الغضب سواء داخل الأوساط الصحفية أو مواقع التواصل الاجتماعي:
- دي أول زيارة ليا في بلدي الثاني المغرب
- الشعب المغربي لطيف وجميل وستاته حلوة وشعب ريحته حلوة والستات قمر وريحتها حلوة.
- أنا حفظت كلمتين مغربي وهما "توحشتكم" و"كان بغيكن بالزاف" وهذه الكلمتين رسالة حب مني للستات والبنات.
- بسمة بوسيل زوجة تامر حسني ست شيك وطموحة وزوجة وأم رائعة وتهتم بأبنائها ونظافة بيتها وزوجها.
- بسمة بوسيل تفكر خارج الصندوق وقادرة على عمل توازن وحبها لعائلتها وبيتها وزوجها وأصدقائها فهي من أجدع الشخصيات التي قابلتهم في حياتي فهي نموذج يحتذى به جدا.
- كان المفروض أجي المغرب من سنتين بس أجلتها بسبب كورونا فكنت أحلم أجي هنا وأقابل ستات وبنات المغرب.
- الجنسية ليست من شروط زواجي فليس لدي مانع أن أتزوج من رجل مصري أو مغربي لكن الراجل اللي ممكن أتجوزه أنه يبقى راجل وبيحبني وأنا كمان أحبه وبيكون سند ليا وأنا أكون ضهر ليه.
- ستات وبنات المغرب شيك وأنا بحب الشياكة وبحب الستات اللي بتهتم بنفسها والسيدات ليسوا شمعة تحترق من أجل الأخرين.
- ستات المغرب بيعرفوا ياخدوا حقهم عشان كدا أنا بحبهم.
- لمن يقولون إني عدوة الرجل رقم واحد فأنا أقول لهم أنا نصيرة المرأة وما دخل الرجل بي.
- ليس لدي تعليق على ما يقال عني بأنني أتيت للمغرب لطلاق النساء من أزواجهن ودا مش تفكيري والست أما بتكون عاوزة تعمل حاجة بتعملها مش محتاجة حد يطلقها أو يصالحها.
- الست المغربية صوتها من دماغها ومش محتاجة رضوى الشربيني عشان تيجي تقولها والنبي أطلقي.
- رسالتلي للرجالة المغاربة حافظوا على زوجاتكم وأتقوا ربنا فيهم عشان هما قمرات.
- أنا متأخرتش عن الزواج أنا خلصت من بدري عندي بنتين وأتجوزت وخلفت وأطلقت.
- احتاج شريك حياة وهذه سنة الحياة ومحتاجة راجل في حياتي ولكن مش أي راجل هيجي يقولي عاوزة أتجوزك هتجوزه أنا هختار زي ما هو هيختار.
- أنا عارفة كم الهجوم الرهيب اللي هيحصل عليا يوم إعلاني الزواج.
- ريحة البنات المغاربة أكتر حاجة لفتت انتباهي ليهم وهما "مزز" عاوزهم يفضلوا زي ما هما.