روحت لطبيب نفسي مرة واحدة.. أبرز تصريحات هشام المليجي في برنامج كلام الناس

قدم الفنان هشام المليجي تصريحات جريئة عن حياته الشخصية، وذلك في برنامج "كلام الناس" الذي تقدمه الإعلامية ياسمين عز على قناة Mbc مصر.

سبب عدم زواج الفنان هشام المليجي حتى الآن :

أوضح هشام المليجي، سبب عدم زواجه حتى الآن في تصريحات لبرنامج "كلام الناس" على قناة Mbc مصر قائلا: "لم أتزوج من قبل، الموضوع ده كبير، في 3 إجابات جاهزين ممكن أقولهم ونكمل البرنامج، لكن لو هنتكلم بجد فالموضوع كبير، ومكنتش فاضي والله، ولسه بكون نفسي".

وأكمل المليجي قائلا: "مفيش نصيب دي حاجة بتاعت ربنا، لأن في ناس أتجوزت وفي ناس متجوزتش، الموضوع عادي، الجواز ده في خطأ شائع أنه حب ولازم نكون حاجة معينة، ولكن هو اشتراك بين اتنين عايزين يعملوا أسرة، فلازم يكون الأفكار والأهداف متقاربة، الشكل مش مؤشر لحاجة".

وأشار: "عشان الجواز مهم جدا لازم الواحد يأجله آخر حاجة في حياته ولو مفيش حزن وفشل مكنش هيكون فيه طعم في الفرح فلازم الواحد يمر بتجارب قاسية حتى يشعر بطعم النجاح".

وأكمل حديثه عن الزواج قائلا :"أنا مش جرىء ومعنديش حاجة أخجل منها وعديت الـ50 سنة وتاريخ ميلادي اللي موجود على الانترنت مش حقيقي وبزعل لما البنات بتكتبلي على فيسبوك اني كنت الكراش بتاعهم زمان، ورحت لطبيب نفسي مرة واحدة بعد نصيحة واحد صاحبي وطموحي كبر الفترة الأخيرة وعايز أبقى فيلسوف".

حقيقة صلة القرابة بين هشام المليجي و الفنان محمود المليجي :

نفى الفنان هشام المليجي وجود صلة قرابة بينه وبين الفنان محمود المليجي، قائلا: "اتظلمت بسبب اسمي عشان الناس فاكرة اني ابن محمود المليجي".

وأكمل : "أنا اتظلمت في اسم المليجي لان ده مش اسمي أنا مليجي بس، والناس أما تقول المليجي بيفتكروني إبن الفنان محمود المليجي".