حل الفنان أمير كرارة ضيف في برنامج “حبر سري”، مع الإعلامية أسما إبراهيم، على قناة “القاهرة والناس” واصدر مجموعة من التصريحات ، والتي جاءت كالتالي:
عند سؤاله، عن الخلافات بينه وبين الفنان محمد رمضان ، نفى النجم أمير كرارة، وجود مشاكل بينه وبين الفنان محمد رمضان، قائلا: “عمري ما حصلت لي مشكلة مع محمد رمضان وبحبه جدا، وهو عمل معايا موقف؛ خلاني أحبه أكثر من الأول، وكان مع ابني سليم، واللي بيعمل حاجة كويسة مع ابني سليم؛ بشيله فوق راسي”.
وأكد ، أنه كان في حالة يأس كبيرة قبل بطولة مسلسل كلبش، قائلا: “منتج مسلسل كلبش قالي عايزين نعمل مسلسل اسمه كلبش وأنا قلت له لا مش عايز أشتغل وأنا قافل وحاسس إني مفيش زيادة هعملها”.
وكشف النجم أمير كرارة، عن أنه يعمل في المجال الفني والإعلامي منذ 20 عاما وكان يشارك في البرامج مقابل 50 جنيه، قائلا: “مفيش حاجة اسمها حظ ولكن في توفيق من عند ربنا، وأنا عملت برامج وكسرت الدنيا في كل قنوات ولكن أنا بحب ابقى فنان محترم واعمل كل حاجة”.
أكد النجم أمير كراره، أنه بعد قيامة بالتمثيل والمشاركة في مسلسل ما فوجا أن المسلسل لم يكون قوي ولم يحقق أي شيء وبعدها شعرة أن ما فيش حد بيكلمني ولا المنتجين .
وأشار الي أن فراق والده ووالدته أمر صعب عليه للغاية وتغيرت شكل الحياة بالنسبة له بعد رحيلهما، قائلا: “فراق أبويا صعب قوي والحياة مع أبويا كانت حاجة تانية خالص وغير، وموت والدي وأمي صعب بس موت والدي كان شديد قوي وصدمة كبيرة قوي وكسرت ضهر قوي”.
قال أمير كرارة، إنه لا ينادي الفنانة مها أحمد إلا بلقب أستاذة لأنها أكبر منه في السن وفنانة كبيرة، كما أنه لم، يقف طوال حياته في رزق أحد، مضيفا: “كان لديها تصور إني لم أرشحها لمسلسل ما وهذا بناء على رؤية المخرج وشركة الإنتاج”.
وأكد عدم معارضته فكرة خوض بناته تجربة التمثيل، قائلا: “معنديش مشكلة خالص يمثلوا وهساعدهم يشقوا طريقهم وهكون في ضهرهم، ولو فعلا بقوا ممثلين كويسين يبقى تمام ويمشوا فيه لوحدهم ويكونوا موهوبين ويشتغلوا على نفسهم وينموا الموهبة”.
قال الفنان أمير كراره ، إن بناتي اذا ارادو الدخول إلي عالم الفن لا امنعهم وسوف أساعدهم ، مؤكدا أن بناته يجب أن يكون لديهم الموهبة قائلا ” مش هيشتغلوا علشان بنات أمير كرارة “.
ويمكن تلخيص ابرز التصريحات كالتالي:
بدأت مشواري الفني بصقف في برنامج عمرو أديب بأجر 50 جنيه-أخويا أحمد كرارة لو مثّل معايا هيتأذي وهيتقال مثّل عشان أخوه.
ماقولتش لـمها أحمد الدور بينادي صاحبه وعمري ما وقفت في رزق حد.
جات عليا فترة حسيت بحالة يأس غريب وكنت بكلم المنتجين ما يردوش عليا فقررت امشي من مصر وبعدين جالي مسلسل 2 في كلبش وبعدين كرم ربنا نزل فجأة.
-ومسلسل الاختيار نجح عشان كميتنا وبيتر ميمي حافظني لدرجة مرعبة وعارف يتعامل معايا ازاي.
-بيتر ميمي لما جينا نشتغل مع بعض قالي احنا هنغزو العالم -مفيش خلاف بيني وبين محمد رمضان والسنة اللي فاتت راح ابني سليم عند فيلا محمد رمضان في الساحل وفجأة لقيته بيكلمني بيقولي أنا قاعد معاه ورجع مبسوط أوي أوي وكون إنه يبسط ابني كده يبقى أنا بحبه أوي.
-أتمنى اشتغل مع كريم عبد العزيز وأحب اشتغل مع غادة عادل مرة تانية.