أعلنت المطربة حنان ماضي أنها قررت ارتداء الحجاب بعد إصابتها بفيروس اوميكرون
قالت حنان ماضي خلال حوارها مع الإعلامية ياسمين عز في برنامج "كلام الناس" المذاع على قناة MBC مصر "أنا جالي اوميكرون وكنت واخده بالي لكن بنتي واختي اتصابوا هما عدوا منها لكن أنا كنت بموت"
وتابعت "لقيت شيخ بيتكلم عن الحجاب وانا كان تفكيري تفكير واحدة بتموت واتحجبت وكملت لانه احلى حاجة حصلتلي وبنتي اتفاجأت بقرار الحجاب وسألتني هكمل غناء ولا لا وانا هكمل"
وأضافت "الوحش بس الدبابيس وبلاقي الطرحة طارت لو في هوا، وانا اخدت القرار ومحدش يقدر يرجعني عنه أو يراجعني فيه وبعد الحجاب جالي الأغنية في آخر حلقة من أبو العروسة وكنت تعبانة لكن غنيت"
تحدثت حنان ماضي خلال الحلقة عن موقف تعرضت له أثناء طفولتها مع أم كلثوم حيث قدمت لها 5 جنيهات وقالت "بابا اخدني معاه في بروفة وكانت في الإذاعة وانا فتحت البيانو وعزفت لغاية لما ام كلثوم جت وهي سلمت عليا وخلتني اقعد جمبها وفجأة الدنيا ضلمت فانا خوفت وهي حست ومسكتني وهي بتغني"
وتابعت "كلهم كملوا والنور قاطع وبعد كدة قالتلي برافو عليكي انك مخفتيش وادتني 5 جنية"