قالت الفنانة رحمة أحمد " مربوحة " في مسلسل " الكبير أوي " رداً على سؤال الحديدي حول إحساس الشهرة بين الجماهير، إن لكل عمل إيجابيات وسلبيات وتختلف من فنان لآخر
تابعت خلال لقاء عبر برنامج " كلمة أخيرة " الذي تقدمه الإعلامية لميس الحديدي على شاشة ON:فيه ممثل ممكن يتقبل الناس في الشارع بسبب الشهرة بشكل كبير وعادي وأنا مش ضد حب الناس لكن أنا بيجيلي توتر كبير في حال وجود عدد كبير من الناس "
واصلت : " بتوتر من الزحمة الكتيرة بيجيلي " فوبيا " أو لما يبقى فيه طلبات كتيرة "
وكشفت رحمة أحمد أنها قاهرية من الحسين وتخرجت في كلية العلوم قسم ميكرو بيولوجي قائلة : " كان نفسي أدخل كلية علاج طبيعي لكن لم أوفق بسبب المجموع فدخلت كلية علوم "
تابعت : كنت بذاكر في الثانوية العامة كويس ومجموعي 96.9% وكنت شاطرة ولي أخ توأم كان معايا في نفس الكلية والفرق بينا أني كنت بذاكر وهو لا وكان بيغش مني في الامتحان حتى جوزي بيقلي دايماً أنتي دحيحة "
ورداً على سؤال لميس الحديدي أخوكي دمه خفيف زيك قالت : لطيف بس هو بيشتغل في العقارات ومتخرج معايا من كلية العلوم "