علقت الإعلامية لميس الحديدي على تغريدة الفنان الهارب عمرو واكد، التي سببت جدلاً لإهانتها للمرأة المصرية، قائلة: "ده مش مجرد تطاول عادي زي أي تطاول لا يستحق الرد عليه.. لكن الصراحة التغريدة أشعرتني بالإهانة كإمرأة مصرية.. واللي كتبه عمرو واكد، ورغم اعتذاره ومسح التغريدة، أحقر مايكون".
وتابعت "الحديدي"، عبر برنامج "كلمة أخيرة" الذي تقدمه على شاشة ON: "أنا بحاول أنتقي ألفاظي عشان مانزلش لهذا المستوى الحقير والوضيع من الرد".
ووجهت رسالة لـ"واكد"، قائلة: "من الواضح ياعمرو أنك فقدت كل أدواتك الموضوعية كمعارض لأن أي معارض عنده منطق يقدر يحطه على المائدة ويكون مؤثر، لكن إنت فقدت كل أدواتك عشان لجأت لأحقر وأسوأ الأدوات وهي التطاول واتهام النساء في أعراضهن".
أضافت "الحديدي": "إنت فاهم يعني إيه تتهم الست المصرية في شرفها؟!.. لأنها ست الستات كمرأة مصرية أنت فاهم ولا مش فاهم؟.. ولا إنت مكنتش في وعيك وأنت بتكتب الكلام الحقير ده؟.. ويمكن دي الثقافة الليبرالية بتاعتك أنك تتهم واحدة في شرفها؟.. واضح أنك نسيت المصريات.. غربتك نستك مين المرأة المصرية".
واصلت: "إنت مين معلش عشان تشتم الست والأم والبنت المصرية ؟.. الست المصرية هي ست الستات.. هي الست اللي بتشقى على ولادها عشان يبقى ولادهم رجالة".
وأثارت تغريدة للفنان عمرو واكد، ثورة غضب شديدة من نشطاء مواقع التواصل الاجتماعي المصريين على اختلاف طوائفهم، خاصة أن النشطاء وصفوا تغريدة عمرو بأنها تهين نساء مصر.