قالت الإعلامية أميرة عبيد، "إن الزواج مسؤولية مش فسحة ولا شهر عسل دايم ..ولا الرجل بنك وعضلات ولا الست جسم وشكل، الزواج مودة ورحمة ومشاركة بين الزوجين علي الحلوة والمُرة، الزواج نص الدين والنص الآخر في الرضا والخوف من الله والضمير اليقظ".
وأضافت أميرة عبيد خلال تقديم برنامج "هي وهما" على قناة الحدث اليوم، "نحن من نصنع السعادة حتى ولو بضحكة من القلب على قد ما تعوز سعادة ابدأ في صناعتها مفيش سعادة من غير مجهود !!! مفيش سعادة من غير مجهود و مفيش حب من غير ثقة وكمان مفيش أنثى من غير راجل .. إذا أردت أن تعيش سعيدا، فكن شجاعا كالأسد، وصبورا كالجمل، ونشيط كالنّحلة، ومبتهجا زي العصافير".
وعن أسباب فقدان السعادة الزوجة، قالت: "كل طرف من الزوجين بيكون راسم في أحلامه وخياله صورة مثالية لشخص اللي عايش معاه، ومع ضغوط الحياة وتقلبات المزاج اللي كل إنسان طبيعي بيعشها بيكون رد فعله غريب على الطرف الآخر ومن هنا يبدأ كل واحد فيهم شعر إنه اتخدع وإن مش هي دي الحياة اللي رسمها في خيالة واللي فضل يحلم بيها في اليقظة".