علق الإعلامي محمد موسى، على إعلان الفنانة منة عرفة طلاقها من زوجها محمود المهدي، قائلا: عايزين يطلعوا ترند من جديد، لافتا إلى أن زوجها يتعمد من وقت لآخر الظهور بترند وكان من بينها افتعال أزمة مع الفنان محمد نجاتي عشان الأنظار تتوجه ليهم".
وأضاف محمد موسى خلال تقديم برنامج "خط أحمر" على قناة الحدث اليوم، "أظن منة عرفة لازم هترد على الاتهامات اللي قالها طليقها .. خاصة جزئية الخيانة والسرقة .. أفتكر ده محتاج رد".
تابع ده الطلاق الثالث بين منة عرفة وزوجها .. لكن الجديد المرة دي هي الاتهامات الخطيرة اللي قالها جوز منة عرفة على السوشيال ميديا.. ومنة مردتش لحد الآن عليها".
وكتب محمود المهدي طليق منة عرفة عبر خاصية الستوري التابعة لصفحته الشخصية بموقع التواصل الاجتماعي لتبادل الصور والفيديوهات انستجرام: “حسبي الله ونعم الوكيل في كل أم ورا خراب بيت بنتها".
وأضاف: “وكل همها الماديات بس ربنا يعوضني على كل خسارة خسرتها وثقتي في ربنا كبيرة لأني ما قصرتش بالعكس كنت بحافظ”.
واستكمل: “وغير أمها سبب خراب البيت بسبب الفلوس عشان هي اللي كانت بتصرف عليها منه وبسبب اني كنت رافضها تشتغل في المجال ده وأمها مكانش عندها مانع تتنازل مقابل الفلوس بس كل حاجة بالدليل”.
وتابع محمود المهدي طليق منة عرفة: “فضلت تحاول لحد ما خربت البيت وخدو فلوس مني كتير هي وأهلها واتهجموا عليا وخدوا العفش وبيعوني العربية واخواتها وكل حاجة بالدليل”.
وأضاف: “حقي عند ربنا وحسبي الله ونعم الوكيل في خراب البيوت أمها بس والله كل الفلوس اللي خدوها وكل حاجة عملتها هبينها وأنا ما طلعتش عمري اتكلمت من غير دليل”.
واختتم كلامه: “أو إثبات بس للأسف وبجد علي غزلان ربنا نجاه واليومين دول هنزل الحجات للأسف أهلها بعد أما شلتهم وصرفت وعملت عملو اللي ما يتعملش معايا”.
ومن جانبها الفنانة منة عرفة أعلنت الطلاق رسميًا من خلال منشور عبر صفحتها الرسمية بموقع التواصل الاجتماعي لتبادل الصور والفيديوهات انستجرام، قائلة: تم الطلاق رسميا، وربنا يوفق الجميع.