علق الإعلامي محمد موسى على سخرية الفنان محمد رمضان من الفنانة سميرة عبد العزيز، بعد تراجعها عن تصريح سابق أبدت خلاله رفضها المشاركة مع محمد رمضان في أعماله بدور «الأم».
وقال محمد موسى خلال تقديم برنامج "خط أحمر" على قناة الحدث اليوم، عايز أقول ل محمد رمضان إنت ممكن تكون بتاخد أجر كبير.. وبتغني وتمثل وشايف نفسك نمبر وان زي ما بتسمي نفسك.. لكن الفلوس مش كل حاجة.. اللي بيبقى مع الناس هي القيمة اللي بنقدمها في العمل الفني وأنت بصراحة ماسبتش حاجة تبوظ المجتمع إلا وعملتها".
تابع، الفنانة القديرة سميرة عبد العزيز تراجعت في تصريحاتها حول موافقتها بتجسيد دور والدة محمد رمضان في عمل فني، "وبعدها يطلع محمد رمضان يتكلم عنها بشكل بالغ السوء.. ويسخر منها ويقلل منها بشكل غير مقبول ومستفز لأبعد درجة، حاجة قميئة وسخرية دمها تقيل من واحدة من الرموز الفنية العظيمة .. يا أخي لو مش هتحترم الأكبر منك والرمز الفني ده اسكت وخلاص".