أحمد ياسر ريان: مدرب بالأهلي شتمني بأسوأ الألفاظ

كشف أحمد ياسر ريان، لاعب نادي سيراميكا كليوباترا، عن واقعة مؤسفة تعرَّض لها خلال فترة تواجده في قطاع الناشئين بالنادي الأهلي.

وقال "ريان" خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "اتشتمت بأسوأ الألفاظ من أحد المدربين في قطاع الناشئين وقال لي طول ما أنت قاعد مع أبوك في نفس البيت مش هتلعب، وقال لي عيش مع جدتك وأنا هعدي عليك أخدك وفعلًا عملت زي ما هو عايز علشان أكمل في النادي الأهلي وألعب".

وأضاف: "المدرب اللي كان مستهدفني في النادي الأهلي مشي من النادي بعد لما عمل مشكلة مع الكابتن محمد عامر والكابتن عماد النحاس، والغريب في واقعتي أن المدرب ده كان زميل والدي وبيقعد معاه في نفس الأوضة".

ولفت: "المدرب اللي استهدفني عمل عقود لـ3 لاعبين في قطاع الناشئين منهم أحمد حمدي وأنا اللي كنت بجيب أكتر من 30 هدف في الموسم متعمليش عقد بسببه لأنه كان حاططني في دماغه، ومتعمليش عقد إلا لما المدرب ده مشي من النادي الأهلي".

وأشار: "أبويا كان مستغرب من اللي المدرب بيعمله معايا فاتصل به يعرف السبب فقال له مستواه قليل وعلشان كده مش بلعبه، وده كان عكس الحقيقة".